• London

  • Beirut

  • Moscow

  • Los Angeles

  • Paris

  • Sydney

  • Toronto

09. 06. 2023

Եւրոպական Խորհրդարանը Կը Դատապարտէ Թուրքիան Ընդդիմադիր Երեսփոխանները Անձեռնմխելիութենէ Զրկելու Որոշումին Համար

13.06.2016   19:40

Եւրոպական խորհրդարանը վրդոված է Թուրքիոյ ընդդիմադիր երեսփոխանները անձեռնմխելիութենէ զրկելու թրքական իշխանութիւններու որոշումէն: Բայց եւ այնպէս կառոյցի անդամներէն միայն ոմանք կոչ կ՛ուղղեն կարծր կերպով Թուրքիոյ արձագանգելու եւ դադրեցնելու անոր Եւրոպական Միութեան անդամակցութեան շուրջ բանակցութիւնները:

Ըստ «Տէօչէ Վելլէ»-ի հաղորդած տեղեկութիւններուն՝ եւրոպական դրացնութեան քաղաքականութեան եւ ընդլայնման բանակցութիւններու հարցերով յանձնակատար Եոհաննես Հան` խօսելով Եւրոպական խորհրդարանին առջեւ յայտարարած է, որ Եւրոպական յանձնաժողովը «լրջօրէն մտահոգուած» է՝ Թուրքիոյ ընդդիմադիր երեսփոխաններէն 138-ը անձեռնմխելիութենէ զրկելու մասին Թուրքիոյ խորհրդարանի որոշումին առնչութեամբ:

«Տէօչէ Վելլէ» կը գրէ, թէ այն փաստը, որ այս յայտարարութիւնը կատարած է Հան, եւ ոչ թէ արտաքին քաղաքականութեան հարցերով Եւրոպական Միութեան յանձնակատարը կամ Եւրոպական յանձնաժողովի փոխնախագահ Ֆրանս Թիմերմանս, որ ներկայիս կը վարէ Անգարայի հետ բանակցութիւնները, ցոյց կու տայ, որ Պրիւքսէլ պիտի անտեսէ այս խնդրայարոյց նիւթը: Վերջ ի վերջոյ անիկա տակաւին պէտք է փորձէ փրկել գաղթականներու վերաբերեալ համաձայնագիրէն այն, ինչ որ մնացած է:

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր