• London

  • Beirut

  • Moscow

  • Los Angeles

  • Paris

  • Sydney

  • Toronto

21. 03. 2023

«Գերմանացիներուն 74%-ը Կ՛ողջունէ Պունտըսթակի Կողմէ Հայոց Ցեղասպանութեան Ճանաչումը». «Spiegel»

05.06.2016   12:23

Պունտըսթակի կողմէ Յունիս 2-ին Հայոց Ցեղասպանութեան ճանաչման վերաբերեալ բանաձեւի ընդունումը՝ գերմանացիներուն մեծամասնութիւնը կ՛ողջունէ, կը գրէ panorama.am-ը:

Ըստ գերմանական առաջատար «Spiegel» պարբերականի`  «ARD-Deutschlandtrend»-ի կողմէ իրականացած հարցումներու արդիւնքով` գերմանացիներուն 74%-ը Պունտըսթակի կողմէ հայերու տեղահանումը եւ բնաջնջումը որպէս Ցեղասպանութիւն ճանչնալը ճիշդ կը համարէ:

Հարցուածներուն ճնշող մեծամասնութիւնը Էրտողանի ղեկավարած Թուրքիան յուսալի գործընկեր չի համարեր: Գերմանացիներուն 91 տոկոսը չի վստահիր Էրտողանի կողմէ ղեկավարուող Թուրքիոյ:

Հարցուածներուն միայն 18 տոկոսը սխալ համարած է խորհդարանին կողմէ բանաձեւին ընդունումը եւ 7 տոկոսը կարծիք յայտնած է, որ Թուրքիան վստահելի գործընկեր է:

Միեւնոյն ժամանակ հարցուածներուն 89 տոկոսը պահանջած է, որ Թուրքիան նախեւառաջ իրականացնէ Եւրոպական Միութեան կողմէ առաջադրուած պահանջները եւ յետոյ միայն պահանջէ առանց վիզայի մուտքի կարգը: Եւ միայն 7 տոկոսը կարծիք յայտնած է, որ պէտք է ընդառաջ երթալ Թուրքիոյ պահանջներուն, որպէսզի Եւրոպական Միութեան եւ Թուրքիոյ միջեւ փախստականներու հարցով ձեռք բերուած համաձայնութիւնը չձախողի:

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր