• London

  • Beirut

  • Moscow

  • Los Angeles

  • Paris

  • Sydney

  • Toronto

28. 05. 2023

Վիեննայի Շիրազի Դպրոցի Աշակերտներու Նուէրը Երեւանի Շիրազի Անուան Դպրոցին

06.10.2014   21:35

Վիեննայի մէջ Յովհաննէս Շիրազի անուան հայկական շաբաթօրեայ դպրոցի սաներն ու ուսուցիչները հանդէս եկած են բարեգործական նախաձեռնութեամբ եւ իրենց հաւաքագրած գումարով համակարգիչ նուիրած են Երեւանի համանուն դպրոցին: Անցեալ տարի այսօրինակ շարժման շնորհիւ Վիեննայի Շիրազի անուան դպրոցը եւս մէկ համակարգիչ նուիրած էր Երեւանի այս կրթօճախին:

Դպրոցի սաները շնորհակալական նամակով իրենց երախտագիտութիւնը յայտնած են աւստրիահայ պատանիներուն:

“Մեր աշակերտներն ու Վիեննայում բնակուող իրենց հասակակիցները պարբերաբար նամակագրական կապի մէջ են միմեանց հետ եւ արդէն ընկերացել են: Մենք էլ անում ենք ամէն ինչ, որպէսզի այս գեղեցիկ բարեկամութիւնը հաստատուն լինի”,- հեռախօսազրոյցով ներկայացուցած է Երեւանի Շիրազի անուան դպրոցի տնօրէն Սուսաննա Մալոյեանը:

“Անցեալ տարի եկայ այս դպրոց: Հիացած եմ այստեղ տիրող կարգ ու կանոնով, դպրոցի ու աշակերտներու հանդէպ ուսուցիչներու եւ տնօրինութեան հոգատար վերաբերմունքով: Ուրախ եմ, որ երկու համանուն կրթօճախներու միջեւ սերտ կապ ստեղծուած է”,- ըսած է “Հայաստան” Համահայկական Հիմնադրամի Աւստրիոյ տեղական մարմնի ատենապետ Ռազմիկ Հարթունեան-Թամրազեանցը:

www.radioyan.com

 

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր