• London

  • Beirut

  • Moscow

  • Los Angeles

  • Paris

  • Sydney

  • Toronto

23. 03. 2023

Եւրոմիութիւնը Կարէն Պետրոսեանի Հարցով Հետաքննութիւն Կը Պահանջէ

27.09.2014   12:20

«Եւրոմիութիւնը խորապէս կը ցաւի Լեռնային Ղարաբաղի հակամարտութեան հետեւանքով կեանքերու շարունակական եւ ողբերգական կորուստին կապակցութեամբ, որ աւելի հրատապ կը դարձնէ հակամարտութեան շուտափոյթ եւ արդար լուծում գտնելու հրամայականը:

Մենք նաեւ մեր ցաւակցութիւնը կը յայտնենք Կարէն Պետրոսեանի ընտանիքի եւ միւս հայ եւ ատրպէյճանցի զոհերու ընտանիքներուն», ըսած է Եւրոմիութեան ընդարձակման եւ եւրոպական հարեւանութեան քաղաքականութեան հարցերով յանձնակատար Շտեֆան Ֆիւլէի խօսնակ Փեթեր Սթանօն՝ պատասխանելով Կարէն Պետրոսեանի մահուան հետ կապուած հարցումին:

«Եւրոմիութիւնը կ՛ընդգծէ միջազգային մարդասիրական իրաւունքի շրջանակներու մէջ երկու կողմերուն ունեցած պարտաւորութիւնները, մասնաւորապէս անոնք, որոնք կը վերաբերին քաղաքացիներու եւ հակամարտութիւններու ընթացքին կալանաւորուած անձերու հետ վարուելուն։ Եւրոմիութիւնը կոչ կ՛ընէ նման միջադէպերու լիարժէք եւ թափանցիկ հետաքննութիւններու կայացման: Կոչ կ՛ընենք Ատրպէյճանին եւ Հայաստանին՝ Միջազգային Կարմիր Խաչին տրամադրելու անարգել մուտք եւ ցուցաբերելու աջակցութիւն, որպէսզի միջազգային մարդասիրական իրաւունքին համապատասխան՝ արագ լուծում տրուի հակամարտութեան հետեւանքով մահացած կամ կալանաւորուած անձերու հարցերուն», աւելցուցած է Սթանօ:

www.panorama.am

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր