Ստեփան Փարթամեան կը մեկնարկէ Knowledge Truck ծրագիրը

Լոս Անճելըս, Յուլիս 26, 2015 – Շաբաթ, Օգոստոս 8-ին, Ստեփան Փարթամեան պիտի սկսի իրականացնել Knowledge Truck ծրագիրը՝ միամսեայ ձեռնարկ մը, որուն միջոցաւ բազմահազար ամերիկացիներ պիտի ծանօթանան այն հսկայական սատարին, որ ամերիկահայերը բերած են Միացեալ Նահագներուն եւ մարդկութեան։

Ծրագրի առանցքն է Knowledge Truck կառքը. 12 հոգինոց van մըն է այս, որուն ներքնամասը յարմարցուած է մահճակալ մը տեղադրելու համար։ Փարթամեան Knowledge Truck-ով պիտի շրջագայի Ցամաքային ԱՄՆի 48 նահանգները (բացի Ալասքայէն), կանգ առնելով հարիւրաւոր սիրուած տեղեր՝ յուշարձանային համալիրներ, փառատօներու վայրեր, հանրային պարտէզներ եւ ճեմավայրեր, ուր Knowledge Truck-ը պիտի ծառայէ որպէս տեղեկութիւն մատուցանող շարժական կեդրոն մը։ Իւրաքանչիւր վայր կանգ առնելով, Փարթամեան վաստակաշատ ամերիկահայերու եւ անոնց գործերուն մասին կարճ տեսաներիզներ պիտի ցուցադրէ՝ օգտագործելով Knowledge Truck-ին վրայ տեղադրուած պատկերասփիւռի խոշոր պաստառ մը։

Այսպիսով, Knowledge Truck-ը ինքնաբերաբար բազմաթիւ հանդիսատեսներ պիտի ներգրաւէ, Փարթամեան բացատրեց։ Ցուցադրուելիք տեսաներիզները, որոնք հակիրճ վաւերագրականներ են, պիտի ներկայացնեն ամերիկահայերու կողմէ ամերիկեան քաղաքակրթութեան եւ առ հասարակ մարդկութեան բերուած հարուստ սատարը, ընդգրկելով բազմազան նուաճումներ՝ արուեստի, գրականութեան, գիտութեան, թեքնաբանութեան, դիւանագիտութեան, ակադեմիայի, քաղաքականութեան, բժշկութեան, լրագրութեան, խոհանոցի, մարզախաղի եւ այլ բնագաւառներու մէջ։

Փարթամեան նաեւ պատրաստ պիտի ըլլայ պատասխանելու այցելուներու հարցումներուն։ Աւելին, պիտի բաշխէ օրինակներ յատկապէս այս ծրագրին համար հրատարակուած գրքոյկէ մը, որ ամերիկահայերու վաստակին մասին յաւելեալ տեղեկութիւն կը պարունակէ։ Ճամբորդութեան ամբողջ տեւողութեան, Փարթամեան պիտի գիշերէ Knowledge Truck-ին մէջ, ծրագրի ծախսը նուազագոյնի պահելու համար, յայտնեց ան։

«Հիմա, որ Մեծ Եղեռնի ոգեկոչումները աւարտած են, Knowledge Truck ծրագիրը կը մեկնարկեմ որպէս արտասովոր բայց մեծապէս ազդեցիկ միջոցառում մը, որուն նպատակն է Ամերիկայի եւ մարդկութեան բերուած ամերիկահայ սատարին մասին հանրային գիտակցութիւն յառաջ բերել», Փարթամեան յայտնեց։ «Կը կարծեմ, որ այս ծրագիրը ամբողջովին կ՚առնչուի Մեծ Եղեռնի հարիւրամեակին, տրուած ըլլալով, որ տեսաներիզներուս մէջ յայտնուող բոլոր անհատները Ցեղասպանութենէն վերապրողներ կամ վերապրողներու զաւակներ են։ Հաւաքաբար՝ անոնք կը խորհրդանշեն հայ ժողովուրդի վերընձիւղման բացառիկ կարողութիւնը»։

«Ոչ-հայ ամերիկացիներէն շատերը գրեթէ ոչինչ գիտեն հայութեան մասին», Փարթամեան շարունակեց։ «Knowledge Truck ծրագիրը կը միտի փոխել այս երեւոյթը՝ հաճելի եւ տեսողականօրէն ուշագրաւ միջոցառմամբ մը սովորական ամերիկացին ծանօթացնելով այն հոյակապ դերին, որ ամերիկահայութիւնը ունեցած է Միացեալ Նահանգներու մեծութեան մէջ»։

Knowledge Truck-ին միջոցով ցուցադրուելիք նիւթերը Փարթամեան մեծ խնամքով հետազօտած ու հաւաքած է անցեալ տասնամեակի ընթացքին։ Նիւթերը հրատարակուած են անոր Yes, We Have մատենաշարով, եւ ընդգրկուած են հանրութեան ձրիաբար տրամադրուող April 24 App-ին մէջ։

«April 24 App-ը, ինչպէս նաեւ Knowledge Truck ծրագիրը իմ նուէրներն են հայ ժողովուրդին», Փարթամեան յայտնեց։ «Կը կարծեմ, որ Եղեռնի հարիւրամեակի ոգեկոչումները իրենց կարեւոր տեղը ունին, բայց ի վերջոյ շատ բան չեն նշանակեր եթէ չառնենք նաեւ ստեղծագործ քայլեր, որոնք կրնան շօշափելի արդիւնքներու առաջնորդել։ Այս է պատճառը, որ ջանք չեմ խնայած Knowledge Truck ծրագիրը իրականացնելու համար, եւ պատճառը՝ որ այս տարի Ապրիլ 24-ին, փոխանակ ցոյցերու մասնակցելու, աշխատեցայ եւ օրուայ եկամուտս նուիրեցի Հայաստան Համահայկական Հիմնադրամին կողմէ գործադրուող սքանչելի ծրագրի մը, որուն նպատակն է Հայաստանի Տաւուշի Մարզի սահմանամերձ համայնքներու տնտեսական զարգացումը։

«Վերջապէս», Փարթամեան աւելցուց, «կարծեմ կարեւոր է ի մտի ունենալ, որ ծրագիրներս կ՚իրականացուին առանց որեւէ կազմակերպչական նեցուկի, հետեւաբար վստահելով ժողովրդային թիկունքի։ Օրինակի համար, Knowledge Truck-ի կանխավճարը կարելի դարձաւ փոքրածաւալ նուիրատուութիւններով, եւ կը յուսամ, որ յաւելեալ աջակցութիւն պիտի գոյանայ՝ ծրագրի ծախսը ամբողջութեամբ հոգալու համար»։

Knowledge Truck ծրագրին համար համայնքային աջակցութիւն դիւրացնելու համար, Փարթամեան հիմնած է շահազերծ կազմակերպութիւն մը՝ Knowledge Truck, Inc., որուն կարելի է տուրքէ զերծ նուիրատուութիւններ առաքել հետեւեալ հասցէով՝ Knowledge Truck, Inc., P. O. Box 287, Glendale, CA 91209, կամ այցելելով knowledgetruck.org կայքը։

Փարթամեան յայտնեց, թէ 48 նահանգներու իր միամսեայ ճամբորդութենէն ետք, Knowledge Truck-ով աւելի համապարփակ շրջապտոյտի մը պիտի ձեռնարկէ Քալիֆորնիոյ տարածքին։

Ամենապատիւ եւ Գերերջանիկ Տէր Գրիգոր Պետրոս Ի. Կաթողիկոս Պատրիարք Տանն Կիլիկիոյ Կաթողիկէ Հայոց

Հայ Կաթողիկէ Եկեղեցւոյ արքեպիսկոպոսներու եւ եպիսկոպոսներու Ընտրական Սիւնհոդասը, որ Երջանկայիշատակ Տէր Ներսէս Պետրոս ԺԹ. Կաթողիկոս Պատրիարքի յաջորդի ընտրութեան աշխատանքներուն սկսած էր 14 յուլիս 2015, երեքշաբթի առաւօտեան սուրբ Պատարագով եւ հոգեւոր կրթութեամբ, յետ խորհրդակցութիւններու, իր Շաբաթ 25 յուլիս 2015-ի առաւօտեան նիստին, Տանն Կիլիկիոյ Կաթողիկէ Հայոց քսաներորդ Կաթողիկոս Պատրիարք ընտրեց Արհիապատիւ հայր Գրիգոր եպիսկոպոս Կապրոյեանը, որ առաւ՝ Գրիգոր Պետրոս Ի. անունը:

Ամենապատիւ Տէր Գրիգոր Պետրոս Ի ծնած է 15 նոյեմբեր 1934-ին, որպէս Զմմառու միաբան կուսակրօն քահանայ ձեռնադրուած է 28 մարտ 1959-ին, եպիսկոպոս օծուած է 13 փետրուար 1977-ին: Վաստակաւոր Առաջնորդն է Ֆրանսայի Հայ Կաթողիկէ թեմին:

Ամենապատիւ Հոգեւոր Տիրոջ գահակալութեան արարողութիւնը տեղի պիտի ունենայ Զմմառու Պատրիարքական Աթոռ՝ Զմմառու Վանքին մէջ, կիրակի 9 օգոստոսին, կէսօրէ ետք ժամը 5-ին:

Այս առիթով «ՌԱԿ ՄԱՄՈՒԼ» իր  որդիական զգացումները  կը յայտնէ`   Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Տէր Գրիգոր Պետրոս Ի. Կաթողիկոս Պատրիարքին անոր մաղթելով բեղուն առաքելութիւն ի Փառս Աստուծոյ եւ ի պայծառութիւն Հայոց ազգին եւ հայ կաթողիկէ եկեղեցւոյ։

2

ՀՀ Ազգային Ժողովի նախագահ Գալուստ Սահակյանն ընդունեց «Սփյուռք» ամառային դպրոց ծրագրի մասնակիցներին

ՀՀ ԱԺ նախագահ Գալուստ Սահակյանը հյուրընկալեց Սփյուռքի նախարարության «Սփյուռք» ամառային դպրոցի մասնակիցներին:

Հանդիպանը ներկա էր ՀՀ սփյուռքի նախարար Հրանուշ Հակոբյանը:

Ողջունելով Սփյուռքի հայկական կրթօջախների ուսուցիչներին, մշակութային խմբերի ղեկավարներին, լրագրողներին և երիտասարդ առաջնորդներին Ազգային ժողովում, Գալուստ Սահակյանը կարևորեց նրանց այցելությունը հայրենիք ու խորհրդարան՝ նշելով, որ տարիներ շարունակ սիրով է հանդիպում ամառային դպրոցի մասնակիցների հետ:

Օրենսդիր մարմնի ղեկավարը բարձր գնահատեց Սփյուռքի նախարարության նախաձեռնությունը՝ Հայրենիքում նման կրթական ծրագիր կյանքի կոչելը և  ընդգծեց Սփյուռքի հայկական կրթօջախների ուսուցիչների դերը հայապահպանության կարևոր գործում: Նա նշեց, որ հայ ժողովուրդը բազում համազգային խնդիրներ ունի լուծելու և այդ ուղղությամբ իրականացնելիք բազում ծրագրեր: «Սփյուռք» ամառային դպրոցը նման հաջողված ծրագիր է: ԱԺ նախագահը կարևորեց ծրագրի շրջանակներում արևելահայերենի և արևմտահայերենի մերձեցումը նման անմիջական շփմների միջոցով: Նա մասնավորապես ասաց. «Կարող եմ անվարան ասել, որ «Սփյուռք» ամառային դպրոցը հուսալի ծրագիր է, որը պետք է ամրացնի մեր գաղափարախոսությունը, շնորհակալություն եմ հայտնում Ձեզ, որ Սփյուռքում կարողանում եք պայքարել մեզ հետ միասին, իմացե՛ք, որ միշտ Ձեր կողքին ենք»:

Գալուստ Սահակյանը սփյուռքահայ հյուրերին ներկայացրեց ՀՀ Ազգային ժողովի «Խորհրդարանականներն ընդդեմ ցեղասպանությունների» նախաձեռնությունը՝ ընդգծելով Սփյուռքի հայկական համայնքների և կրթօջախների դերը դրա իրականացման գործում:

ՀՀ Ազգային ժողովի նախագահը հորդորեց «Սփյուռք» ամառային դպրոցի ուսուցիչներին շարունակել իրենց ազգապահպան առաքելությունը ավելի մեծ եռանդով ու սիրով:

Սփյուռքի նախարար Հրանուշ Հակոբյանը շնորհակալություն հայտնեց Ազգային ժողովի նախագահին ավանդական դարձած ընդունելության համար: Նախարարը ևս կարևորեց արևմտահայերենի և արևելահայերենի մերձեցման հնարավորությունը և հուլիսի 29-30-ը այդ նպատակով նախարարության նախաձեռնությամբ իրականացվելիք համաժողովը:

Գերատեսչության ղեկավարը հորդորեց ծրագրի մասնակիցներին, որ Սփյուռքում իրենց զավակներին սովորեցնեն հայոց լեզուն, սրբորեն պահեն ու պահպանեն մեր մայրենին՝ ազգապահպանության ամենամեծ գրավականը:

Հանդիպման վերջում ՀՀ Ազգային ժողովի նախագահ Գալուստ Սահակյանը պատասխանեց  «Սփյուռք» ամառային դպրոցի մասնակիցների հարցերին:

Գագիկ Ծառուկեան Այցելեց Ն.Ս.Օ.Տ.Տ. Արամ Ա. Վեհափառ Հայրապետին

24 Յուլիս 2015-ի երեկոյեան, Սուրբ Աստուածածին Վանքի Վեհարանին մէջ, Ն.Ս.Օ.Տ.Տ. Արամ Ա. Վեհափառ Հայրապետը ընդունեց այցելութիւնը Հայաստանի Ազգային Ողիմպիականի կոմիտէի նախագահ՝ Տիար Գագիկ Ծառուկեանին: Նոյն օրը ժամը 6-ին, Ծառուկեան նաեւ այցելեց Անթիլիասի Մայրավանքին զանազան բաժանմունքները:

Վեհափառ Հայրապետին եւ Գագիկ Ծառուկեանի հետ հանդիպումին ներկայ էին Լիբանանի եւ Բերիոյ թեմերու առաջնորդները, Ազգային Կեդրոնական Վարչութեան եւ Ազգային մարմիններու ներկայացուցիչները: Շուրջ մէկ ժամ տեւած հանդիպումին ընթացքին Նորին Սրբութիւնը ողջունելէ ետք Ծառուկեանի ներկայութիւնը նկատել տուաւ, որ Մեծի Տանն Կիլիկիոյ Կաթողիկոսութիւնը ոչ միայն պատմական Աթոռ է, այլ նաեւ պատմական առաքելութիւն ունեցած է մեր ժողովուրդի կեանքէն ներս եւ յատկապէս Հայոց Ցեղասպանութենէն ետք կարեւոր դեր կատարած է Սփիւռքի մէջ` հայապահպանման, ինչպէս նաեւ եկեղեցաշինութեան ու դպրոցաշինութեան աշխատանքներուն մէջ: Մեր ժողովուրդի բռնաբարուած իրաւունքներու ձեռքբերման գծով եւս, մեր Սուրբ Աթոռը կարեւոր դերակատարութիւն ունեցաւ Սփիւռքի մէջ, հաստատեց Վեհափառ Հայրապետը: Շարունակելով իր խօսքը` Նորին Սրբութիւնը շեշտեց, որ Հայաստան-Սփիւռք կապը կը դիտենք մէկ համապարփակ ամբողջութեան մէջ, մասնակից դառնալով Հայաստանի հզօրացման համահայկական առաքելութեան, որովհետեւ կը հաւատանք, որ Հայաստանի հզօրացումը Սփիւռքի հզօրացումն է եւ փոխադարձաբար: Վեհափառ Հայրապետը շեշտեց, որ երբ մեր ժողովուրդին դիմագրաւած խնդիրներն ու մարտահրաւէրները համահայկական բնոյթ ունին, Մեծի Տանն Կիլիկիոյ Կաթողիկոսութիւնը նախ ընելիք եւ ապա ըսելիք ունի: Նորին Սրբութիւնը կարեւորութեամբ յիշեցուց, որ Մեծի Տանն Կիլիկիոյ Կաթողիկոսութիւնը միշտ աջակից եղած է Հայաստանի պետականութեան հզօրացման եւ Հայաստանի ժողովուրդի բարօրութեան նպաստող բոլոր ծրագիրներուն ու աշխատանքներուն, եւ միշտ կը մնայ յանձնառու այս ուղղութեան:

Անդրադառնալով Ծառուկեանի կատարած բարեգործութիւններուն՝ եկեղեցաշինութեան եւ մարդասիրական բնագաւառներէն ներս, Վեհափառ Հայրապետը բարձր գնահատեց Գագիկ Ծառուկեանը, հայրենաշինութեան բերած անոր կարեւոր ներդրումին համար: Ան որ Հայաստանի հզօրացման, հայրենի ժողովուրդի կեանքի բարելաւման, Ղարաբաղի անկախութեան ամրապնդման եւ մեր ժողովուրդի ընդհանրական ու գերագոյն երազներու իրականացման իր մասնակցութիւնը կը բերէ, մեզի համար սիրելի ու գնահատելի անձ մըն է, ըսաւ Վեհափառ Հայրապետը եւ կո՛չ ուղղեց համախմբուելու մեր գերագոյն արժէքներուն ու ձգտումներուն շուրջ:

Բերիոյ Թեմի Առաջնորդ Շահան Արք. Սարգիսեան ընդհանուր գիծերու մէջ ներկայացուց վերջին հինգ տարիներուն տեղի ունեցած պատերազմին պատճառով Սուրիոյ հայութեան տագնապը եւ կարիքները:

Խօսք առաւ նաեւ Գագիկ Ծառուկեան: Ան իր ուրախութիւնը յայտնեց Լիբանանի մէջ իր ներկայութեան համար: Ծառուկեան գնահատեց Մեծի Տանն Կիլիկիոյ Կաթողիկոսութեան հայապահպանման ի նպաստ տարած յոյժ կարեւոր աշխատանքը: Ան ըսաւ, որ հպարտ է գտնուելուն Մեծի Տանն Կիլիկիոյ Կաթողիկոսութենէն, ինչպէս նաեւ Սփիւռքի սիրտը հանդիսացող Լիբանանի հայ գաղութէն ներս: Ծառուկեան շեշտեց, որ մարդ արարածը իր կարելիութեան սահմաններուն մէջ պէտք է օժանդակէ եւ աջակցի ազգին. Մեծի Տանն Կիլկիոյ Կաթողիկոսութեան կատարած իր այցելութեան առիթով, ան 500 հազար ամերիկեան տոլար նուիրեց Կաթողիկոսութեան ծրագիրներուն եւ սուրիահայութեան կարիքներուն: Ապա, ան արծաթեայ մեծ խաչ մը նուիրեց Ս. Գրիգոր Լուսաւորիչ Մայր Տաճարին: Նորին Սրբութիւնը իր կարգին Բարձրբերդի Աւետարանի սահմանափակ թիւով տպագրուած օրինակներէն մին յանձնեց հայրենի հիւրին:

 

 

Վարդան Թաշճյանի պարգևատրման արարողություն Հասցեատեր՝ մամուլի, տեղեկատվության և հասարակայնության հետ կապի վարչություն, Եվրոպայի վարչություն

Հունիսի 23-ին Հունաստանում Հայաստանի դեսպանությունում կայացավ Կիպրոսի Նարեկ վարժարանների հոգաբարձության ատենապետ Վարդան Թաշճյանի պարգևատրման արարողությունը Սփյուռքի նախարարության բարձրագույն` «Ոսկե մեդալ» պարգևով` հայապահպանության գործում մեծ ավանդ ունենալու համար:

Բացման խոսքում դեսպան Ղալաչյանը նշեց, որ հայրենիքից հեռու ազգային ինքնությունը պահպանող յուրաքանչյուր հայ հերոս է, իսկ հայապահպան  ու հայրենանվեր գործունեություն ծավալող ամեն հայ` կրկնակի հերոս: Հակիրճ ներկայացնելով կրթության և արվեստի գործչի հարուստ կենսագրությունը` դեսպանն ընդգծեց, որ  ի դեմս Թաշճյանի` Սփյուռքի նախարարության բարձրագույն պարգևը կգտնի իր արժանի և լիիրավ տիրոջը:

Պարգևատրման արարողությանը հաջորդիվ` պարոն Թաշճյանը հանդես եկավ շնորհակալական խոսքով` իր երախտագիտությունը հայտնելով Սփյուռքի նախարար Հրանուշ Հակոբյանին, Կիպրահայ համայնքի պետական ներկայացուցիչ Վարդգես Մահտեսյանին, դեսպան Ղալաչյանին, իր գործընկերներին և ընտանիքի անդամներին:

Վաստակաշատ ուսուցիչը նշեց, որ ինքնությունը պահպանելու և իբրև հայ ապրելու ու գործելու պատգամը ժառանգել է Մեծ եղեռնից մազապուրծ փրկված իր ծնողներից, և իր կրթական ողջ գործունեության ընթացքում փորձել է այն սերնդեսերունդ փոխանցել Կիպրոսի Մելքոնյան կրթական հաստատության, Նարեկ  վարժարանների և լիբանանյան դպրոցների կամարների ներքո: Իրեն բնորոշելով իբրև «կրթության և արվեստի խոնարհ մշակ»` պարոն Թաշճյանը նշեց, որ պարգևատրումն իրեն խրախուսում է այսուհետ ևս բազմապատկված ջանքով ու հանձնառությամբ շարունակել ծառայել հայ ժողովրդին և Հայրենիքին:

 

***

Վարդան Թաշճյանը կիպրահայ անվանի գեղանկարիչ է և վաստակաշատ ուսուցիչ: Տասը տարի դասավանդել է Մելքոնյան կրթական հաստատությունում, շուրջ 27 տարի պաշտոնավարել որպես «Նարեկ» հայկակական վարժարանների տնօրեն: 2009-ից մինչ օրս Վարդան Թաշճյանը զբաղեցնում է Նարեկ վարժարանների հոգաբարձության ատենապետության պաշտոնը: Մասնակցել է անհատական և խմբակային ավելի քանի 100 ցուցահանդեսների, Կիպրոսը ներկայացրել բազմաթիվ միջազգային համաժողովներում, Միջին Արևելքի Եկեղեցիների խորհրդում հանդես եկել որպես Մեծի Տանն Կիլիկիոյ Կաթողիկոսության պատվիրակ:

 

Pic 2

 

 

Pic 3

Երկրաչափ Շահէ Խաչեր Գալուստեան Խմբագրատանս Մէջ

«Խմբ.»

Երէկ երեկոյեան «Զարթօնք»-ի խմբագրատուն այցելեց Խաչեր Գալուստեան Մանկավարժական Կեդրոնի հիմնադիրներէն եւ «Ինթէրմարք» Մանկավարժական Խորհրդատու հաստատութեան տնօրէն՝ Երկրաչափ Շահէ Խաչեր Գալուստեանը՝ որուն, որպէս Լիբանանահայ յաջող երկրաչափ, ներդրումը մեծ եղած է Ռաֆիք Հարիրի Միջազգային Օդակայանի եւ Լիբանանի Վարչապետարանի շինարարական աշխատանքներուն մէջ:

Հանդիպման ընթացքին արծարծուեցան Հայ Սփիւռքն ու Հայրենիքը յուզող հարցեր, ի մասնաւորի եւ յարգելի հիւրին իսկ բառերով՝ Ազգապահպանումի եւ Ազգապահակութեան կրթութեան վերաբերող յոյժ կարեւոր նիւթեր:

Հանդիպումը առիթ մըն էր անդրադառնալու յարգելի հիւրին խմբագրած եւ վերջերս հրապարակի վրայ եղող Լիբանանահայ երախտաշատ երկրաչափ Խոսրով Երամեանի Twist of Fate արժէքաւոր գիրքին, որ կը բովանդակէ Լիբանանեան հայրենիքի շինարարութեան մէջ մեծ երախտիք ունեցող Խոսրով Երամեանի կեանքին ու գործին վերաբերող արխիւային նիւթեր:

Հաճելի էր Պրն. Գալուստեանէն լսել իր հաստատած նորագոյն հաստատութեան՝ «Ինթէրմարք»-ի մասին ու ծանօթանալու Կեդրոնին ընդգրկած մանկագիտական սկզբունքներուն, ներկայի հետազօտական միջազգային տուեալներու արդիւնքներու կիրարկումներու ընդմէջէն: Ուրախութեամբ իմացանք, որ Փետրուարի առաջին օրերու բացումէն ասդին, այցելողներու եւ կեդրոնի գործունէութեան մաս կազմողներու թիւը հազար հինգ հարիւրէ աւելի եղած է, շատերու պարագային ալ ամսական դրութեամբ:

Յաջողութիւն եւ արեւշատութիւն մեր յարգելի հիւրին:

Պուէնոս Այրէս – Արժանթին Համահայկական 6-րդ Խաղերու Ջահի Վառման Հանդիսաւոր Արարողութիւնը Պուէնոս Այրէսի Մէջ

Յուլիս 18-ին Պուէնոս Այրէսի Սուրբ Գրիգոր Լուսաւորիչ մայր տաճարի բակին մէջ, Հայոց ցեղասպանութեան յուշարձանին մօտ տեղի ունեցաւ Համահայկական VI-րդ խաղերու ջահի վառման հանդիսաւոր արարողութիւնը: Ջահը վառելու եւ կրելու պատուաւոր պարտականութիւնը կատարեց արժանթինահայ յայտնի մարզիկ Ալպերթօ Բարսեղեան: Այս մասին կը յայտնեն ԱԳՆ մամլոյ ծառայութենէն:

Արարողութեան մասնակցեցան Արժանթինի մէջ ՀՀ դեսպան Ալեքսան Յարութիւնեան, Արժանթինի Հայոց թեմի առաջնորդ, Գերաշնորհ Տէր Գիսակ Արքեպիսկոպոս Մուրատեան, արժանթինահայ համայնքնային կազմակերպութիւններու ղեկավարները, Համահայկական VI-րդ խաղերու Արժանթինի կազմակերպչական կոմիտէի անդամները, մարզիկներ եւ հիւրեր:

Արարողութեան սկիզբը Տէր Գիսակ Արքեպիսկոպոս Մուրատեանի հանդիսապետութեամբ եկեղեցւոյ մէջ տեղի ունեցաւ համահայկական խաղերուն մասնակցող արժանթինական պատուիրակութեան շուրջ 200 անդամներու, ինչպէս նաեւ խաղերու բացումը խորհրդանշող ողիմպիական կրակի օրհնութեան եւ բարեմաղթանքի արարողութիւն:

Այնուհետեւ ելոյթներով հանդէս եկան Արժանթինի մէջ ՀՀ դեսպան Ալեքսան Յարութիւնեան, Տէր Գիսակ Արքեպիսկոպոս Մուրատեան, արժանթինահայ համայնքային եւ մարզական կառոյցներու ղեկավարները:

Իր խօսքին մէջ դեսպան Յարութիւնեան կարեւոր համարեց համահայկական խաղերու դերն ու նշանակութիւնը աշխարհասփիւռ հայութեան համախմբման, հայ երիտասարդներուն հայրենիք բերելու, Հայաստան-Սփիւռք կապերը ամրապնդելու առումով:

ՀՀ դեսպանը ընդգծեց նաեւ Համահայկական VI-րդ խաղերու իրականացման կարեւորութիւնը յատկապէս Հայոց ցեղասպանութեան 100-րդ տարելիցի ձեռնարկներու ծիրէն ներս:

Սուրբ Թադէի Նուիրուած Արարողութիւն Իրանի Մէջ

Սուրբ Թադէի եւ անոր հաւատարիմ աշակերտներուն ի պատիւ՝ արարողութիւն պիտի իրականացուի Իրանի՝  Արեւմտեան Ատրպէյճանի նահանգին մէջ։

Artsakhpress.am-ի տեղեկութիւններով՝ իրանական «Press TV»-ին յայտնած է, թէ 61-րդ անգամ ըլլալով ամենամեայ արարողութիւնը տեղի պիտի ունենայ Սուրբ Թադէի վանքին մէջ, Յուլիս 23-25-ին, որուն պիտի մասնակցին հայեր, ասորիներ եւ կաթոլիկներ Իրանէն ու այլ երկիրներէ:

«ԱՐԵՒՄՏԱՀԱՅԵՐԷՆ ՈՒԻՔԻՓԵՏԻԱ»-Ի ԼԻԲԱՆԱՆԻ ԱՆԴՐԱՆԻԿ ՃԱՄԲԱՐԻ ՄԱՍՆԱԿԻՑՆԵՐՈՒ ԾԱՆՕԹԱՑՄԱՆ ՀԱՆԴԻՊՈՒՄ

3-12 Օգոստոս 2015-ին, Զմմառի «Հայր Շէլհուպի տուն» կեդրոնին մէջ հովանաւորութեամբ «Գալուստ Կիւլպէնկեան» հիմնադրամին տեղի պիտի ունենայ «Ուիքիփետիա Հայաստան»ի Լիբանանի անդրանիկ ճամբարը, որուն նպատակն է պատրաստել «Արեւմտահայերէն Ուիքիփետիա»-ի նոր աշխատակիցներ։ Ճամբարին իրենց մասնակցութիւնը պիտի բերեն լիբանանահայ երկրորդականի 11 վարժարաններէն 46 աշակերտ։ Ճամբարին Հայաստանէն իրենց մասնակցութիւնը պիտի բերէ պատուիրակութիւն մը, գլխաւորութեամբ «Ուիքիմետիա Հայաստան»-ի նախագահ Սուսաննա Մկրտչեանին։

Այս առիթով, ուրբաթ, 17 յուլիս 2015-ին, կէսօրուան ժամը 12։00-ին, «Ազդակ» օրաթերթի «Փիւնիկ» սրահին մէջ տեղի ունեցաւ ճամբարի մասնակից աշակերտներու ծանօթացման հանդիպումը, որուն ընթացքին առաջին խօսքը արտասանեց «Արեւմտահայերէն Ուիքիփետիա»-ի լեզուական պատասխանատու դոկտ. Արմէն Իւրնէշլեան։ Ան ներկայացուց Արեւմտահայերէն «Ուիքիփետիա» ստեղծելու կարեւորութիւնը Արեւմտահայերէնի պահպանման ու զարգացման շրջագիծին մէջ։

Իւրնէշլեան հաստատեց, որ ճամբարին մասնակից աշակերտները ունին մեծ պատասխանատուութիւն, որուն իրականացման համար պէտք է հետեւին համապատասխան մարզումի։ Արմէն Իւրնէշլեան յոյս յատնեց, որ աշակերտները լրջութեամբ կը կատարեն իրենց վստահուած առաքելութիւնը։

Ապա խօսք առաւ «Ուքիմետիա Հայաստան» հասարակական կազմակերպութեան Լիբանանի համակարգող Րաֆֆի Տէմիրճեան, որ ներկայացուց «Ուիքի ճամբար»-ին յայտագիրը, օրէնքները, աշխատանքները եւ համապատասխան մանրամասնութիւնները։ Տէմիրճեան շեշտեց, որ ճամբարը առիթ մըն է ուրախ, առողջ եւ հաճելի պայմաններու մէջ սորվելու «Ուիքիփետիա»-ն գործածելու եղանակները եւ այդ գիտելիքները հետագային տարածելու վարժարաններուն մէջ։

Րաֆֆի Տէմիրճեան հատատեց, որ ուսուցիչներու ճամբարէն ետք աշակերտական ճամբարը երկրորդ քայլն է, եւ վերամուտին աշխատանք պիտի տարուի վարժարաններուն մէջ ստեղծելու «Ուիքի ակումբ»-ներ, որպէսզի «Ուիքիփետիա» խմբագրելու գաղափարը տարածուի, ընդարձակուի եւ գործնական քայլերու ընդմէջէն արձանագրէ վերելք եւ նուաճումներ։

Ապա մասնակիցները հարցումներու ընդմէջէն ստացան լուսաբանութիւններ։

ՄԻՋ-ԵԿԵՂԵՑԱԿԱՆ ԱՂՕԹՔ ԱՆԹԻԼԻԱՍԻ ՄԷՋ ՆՈՒԻՐՈՒԱԾ ՀԱՅՈՑ ՑԵՂԱՍՊԱՆՈՒԹԵԱՆ ՆԱՀԱՏԱԿՆԵՐՈՒՆ

Կիրակի, 19 Յուլիս 2015-ի առաւօտուն, Ս. եւ Անմահ Պատարագ մատուցուեցաւ Սուրբ Գրիգոր Լուսաւորիչ Մայր Տաճարին մէջ, նախագահութեամբ Ն.Ս.Օ.Տ.Տ. Արամ Ա. Վեհափառ Հայրապետին: Պատարագին ներկայ էին, Սրբալոյս Միւռոնի օրհնութեան եւ Մեծի Տանն Կիլիկիոյ Կաթողիկոսութեան 100-ամեակի ձեռնարկներուն հրաւիրուած եկեղեցիներու հոգեւոր պետեր եւ եկեղեցական բարձրաստիճան ներկայացուցիչներ, պետական անձնաւորութիւններ, Լիբանան ժամանած ուխտաւորներ եւ հոծ թիւով հաւատաւոր ժողովուրդ:

Օրուան պատգամը փոխանցեցին Ղպտի եկեղեցւոյ հոգեւոր պետ Ն.Ս. Թաուատրոս Բ. Պատրիարքը եւ վերոյիշեալ արարողութիւններուն ու ձեռնարկներուն Ն.Ս. Ֆրանսիս Պապի ներկայացուցիչ Կարտինալ Քըրթ Քոխը ընթերցեց այս առիթով Պապին յղած յատուկ պատգամը: Յանուն բոլոր եկեղեցական հիւրերուն անոնք ողջունեցին ու շնորհաւորեցին Ն.Ս.Օ.Տ.Տ. Արամ Ա. Վեհափառ Հայրապետը, շնորհակալութիւն յայտնելով իրենց տրուած հրաւէրին եւ այս մասնաւոր պատիւին: Անոնք իրենց հոգեւոր ցնծութիւնը արտայայտեցին Հայ Եկեղեցւոյ հռչակած Հայոց Ցեղասպանութեան նահատակներուն սրբադասման համար:

Պատարագի աւարտին, նոր օրհնուած Սրբալոյս Միւռոնով կատարուեցաւ ջրօրհնէքի արարողութիւն: Եւ ապա, ներկայ բոլոր հոգեւոր պետերու եւ եկեղեցական ներկայացուցիչներու մասնակցութեամբ տեղի ունեցաւ միջ-եկեղեցական աղօթք, նուիրուած Հայոց Ցեղասպանութեան նահատակ սուրբերուն:

Եկեղեցական արարողութեանց աւարտին, բոլոր եկեղեցականները թափօրով ուղղուեցան Անթիլիասի Սրբոց Նահատակաց մատուռը, ուր ծաղիկներ զետեղեցին նահատակ սուրբերուն մասունքներուն առջեւ: Ներկայ ժողովուրդը խնդրելով նահատակ սուրբերուն բարեխօսութիւնը անգամ մը եւս վերանորոգեց Աստուծոյ եւ Հայ Եկեղեցւոյ իր հաւատարմութեան ուխտը: Ժողովուրը նաեւ բաժին ունեցաւ օրհնուած ջուրէն, որ իրենց տուները տանելով՝ ընտանիքի բոլոր անդամները հաղորդակից դարձուցին Սուրբ Միւռոնի օրհնութեան:

7-19-15_mitch-1

 
7-19-15_mitch-4