• London

  • Beirut

  • Moscow

  • Los Angeles

  • Paris

  • Sydney

  • Toronto

Պոլիս; Թուրքիոյ Միակ Հայկական Գիւղին՝ Վաքըֆի Մէջ Պատարագ Մատուցուած է Ս. Աստուածածնայ Տօնին Առիթով

19.08.2015   12:16

Թուրքիոյ միակ  հայկական գիւղին մէջ` Հաթա նահանգի Սամանտաղ շրջանը գտնուող Վաքըֆի մէջ, Սբ. Աստուածածինի վերափոխման տօնին առիթով պատարագ մատուցուած է: Այս մասին կը հաղորդէ ermenihaber.am-ը։

Պատարագը մատուցած է Պոլսոյ հայ պատրիարքի փոխանորդ արքեպիսկոպոս Արամ Աթէշեան` Աւետիս Թաբաշեանի օգնութեամբ: Պատարագին մասնակցած են Թուրքիոյ ընդդիմադիր «Ժողովրդահանրապետական կուսակցութեան» (ԺՀԿ CHP) պատգամաւոր հայ Սելինա Տողան եւ քրտամէտ ընդդիմադիր «Ժողովուրդներու դեմոկրատական կուսակցութեան» (ԺԴԿ – HDP) հայ պատգամաւոր Կարի Փայլան:

Պատրիարքի փոխանորդը օրհնած է եկեղեցւոյ մէջ բոլոր ներկայ գտնուողներուն: Պատարագէն յետոյ եկեղեցւոյ  բակին մէջ պատրաստուած եւ այցելուներուն  բաժնուած է աւանդական հայկական հարիսա:

Լրագրողներու հետ զրոյցի ընթացքին՝ Սելինա Տողան նշած է, որ կը շնորհաւորէ ողջ աշխարհի հայերը Աստուածածինի վերափոխման տօնին առիթով, մաղթելով օրհնուած բերքի առատութիւն:

«Խորհրդարանին մէջ իմ առաջին քայլս պիտի ըլլայ ապահովել  ատելութեան վրայ հիմնուած յանցանքներուն հետ կապուած օրինագիծի` հնարաւորինս արագ կեանքի կոչումն ու կիրառումը: Մենք բոլորս հասարակական համերաշխութեան, եղբայրութեան եւ դրական երկխօսութեան կարիքը ունինք: Իսկ ատոր համար համապատասխան օրինական հիմք  պէտք է»,- ըսած է Սելինա Տողան` աւելցնելով, որ օրէնսդիր մարմինի աշխատանքները սկսելուն պէս ինք պիտի սկսի աշխատիլ այդ ուղղութեամբ:

Share Button

Leave a Reply

Your email address will not be published. Required fields are marked *

Լրատուութեան գործընկեր