• London

  • Beirut

  • Moscow

  • Los Angeles

  • Paris

  • Sydney

  • Toronto

18. 09. 2021

Լիբանան; Գեղարուեստական Երեկոյ Սուրբ Աստուածածին Վանքէն Ներս

19.08.2015   10:25

Սուրբ Աստուածածնայ Վերափոխման տօնին առիթով եւ կազմակերպութեամբ Հայ Եկեղեցւոյ Համալսարանական Ուսանողներու Միութեան, Ուրբաթ, 14 Օգոստոս 2015-ի երեկոյեան տեղի ունեցաւ գեղարուեստական յայտագիր, մասնակցութեամբ Համազգայինի «Տաւիղ» նուագախումբին եւ ղեկավարութեամբ Մկրտիչ Միքայէլեանի, տուտուկահար Յակոբ Քէլուկեանի, Շուի եւ Ֆլիւթ Կարօ Սուաքճեանի, ինչպէս նաեւ ՀԵՀՈՄ-ական երիտասարդ-երիտասարդուհիներու:

Բացման խօսքը կատարեց Օրդ. Դալար Թաթոյեան: Յայտագիրը սկսաւ Համազգայինի «Տաւիղ» նուագախումբի հայ եւ օտար երաժշտութիւններու ներկայացումով ու ասմունքով, որմէ ետք մենակատարներ տուտուկի, շուիի, դաշնամուրի եւ Ֆլիւթի հոգեթով նուագներով դիւթեցին մթնոլորտը: Ապա ՀԵՀՈՄականներ երեկոն ճոխացուցին հայկական դասական ու ազգային երգերով:

Փակման խօսքը կատարեց ՀԵՀՈՄ-ի հոգեւոր խորհրդատու Հոգշ. Տ. Նշան Վրդ. Լախոյեան ըսելով, թէ Աստուածամօր Վերափոխման տօնը աղօթքի, խունկի, շարականի կողքին նաեւ ուրախութեան ու ցնծութեան տօն է: Հայ Եկեղեցւոյ տօնացոյցին մէջ շատ են նման տօները, ինչպէս Վարդավառի, Խաչվերացի եւ այլն: Պէտք է ուրախութեամբ տօնել այս տօները, որովհետեւ անոնք յաթանակի տօներ են, եւ զանոնք պէտք է յիշատակել հայկական երաժշտութեամբ, հայ երգով ու պարով:

Խօսքի աւարտին հայր սուրբը իր շնորհաւորութիւններն ու գնահատանքը յայտնեց յայտագիրը ներկայացնող բոլոր մասնակիցներուն:

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր