Մեկնարկեց «Սփյուռք» ամառային դպրոցի համայնքային գործի կազմակերպիչների դասընթացը

Հուլիսի 27-ին մեկնարկեց ՀՀ սփյուռքի նախարարության «Սփյուռք» ամառային դպրոցի համայնքային գործի կազմակերպիչների դասընթացը, որին մասնակցում է 14 սփյուռքահայ՝ աշխարհի 7 երկրից (Ռուսաստան, ԱՄՆ, Վրաստան, Ուկրաինա, Բելառուս, Բուլղարիա, Էստոնիա):
Մասնակիցներին ողջունեց ՀՀ ՍՆ համահայկական ծրագրերի վարչության պետ Գագիկ Գյանջումյանը:
Գիտակրթական ծրագրերի բաժնի պետ, ծրագրի պատասխանատու Սիրվարդ Համբարյանը մասնակիցներին տեսաշարով ներկայացրեց ՀՀ սփյուռքի նախարարության կողմից իրականացվող աշխատանքները, ծրագրերը, գերակա ուղղությունները:
Նախարարությունում համայնքային գործի կազմակերպիչների համար կկազմակերպվեն համայնքային խնդիրների լայն քննարկումներ, մասնակիցները կներկայացնեն իրենց կազմակերպությունների, համայնքային կառույցների խնդիրները, հայապահպանության ուղղությամբ իրականացվող իրենց գործունեությունը և կքննարկեն նախարարության հետ գործակցության ծրագրերի նոր մոտեցումներ:
Դասընթացի մասնակիցները կհանդիպեն ՀՀ վարչապետ Հովիկ Աբրահամյանի, ՀՀ սփյուռքի նախարար Հրանուշ Հակոբյանի և կառավարության մի շարք ներկայացուցիչների հետ, կայցելեն Հայաստանի մի քանի կրթական հաստատություններ, ՀԲԸՄ հայաստանյան գրասենյակ, Երևանի պատմության թանգարան, կծանոթանան Հայոց ցեղասպանության 100-րդ տարելիցի միջոցառումները համակարգող հանձնաժողովների աշխատանքների հետ, գործնական աշխատանքներ կիրականացնեն ՀՀ ՍՆ տարածաշրջանային վարչություններում, իսկ հուլիսի 31-ին կմասնակցեն «Սփյուռք» ամառային դպրոցի փակման հանդիսավոր արարողությանը:
Դասախոսություններ կլինեն «Առաջնորդի հմտությունները», «Հայագիտության արդի մարտահրավերները համացանցում», «Համայնքային աշխատանքներ», «Հայոց պատմության հիմնահարցեր», «Կառավարչական հմտություններ», «Հայրենադարձության ծրագրեր», «Ազգային երգ» և այլ թեմաներով:
Leave a Reply
Լրահոս
-
29.09.2020
Մեր Յաղթանակը Այլընտրանք Չունի. Յայտարարութիւն
-
16.09.2020
Ռ.Ա.Կ. Լիբանանի Շրջանային Վարչութեան Հանդիպումը Մտաւորական Ընկերներու Հետ
-
11.08.2020
Եւրոպական Խորհուրդի Նախագահ՝ Չարլզ Միշըլի Այցը Հաուըրտ Գարակէօզեան
-
11.08.2020
Հայաստան Հաստատուած Լիբանանահայերուն Ուշադրութեան
-
11.08.2020
Կառավարութիւնը Հրաժարեցաւ. Կը Մնայ Որ Խորհրդարանը Եւս Հրաժարի
-
10.08.2020
Ես Գիտեմ
-
10.08.2020
Հայաստանի Հանրապետութեան Պատուիրակութիւնը Լիբանանի Մէջ. Հանդիպում Վեհափառ
-
10.08.2020
Հայաստանի Հանրապետութեան Պատուիրակութիւնը Լիբանանի Մէջ. Հանդիպում Մամուլի
-
10.08.2020
Սեւրի Դաշնագրին 100րդ Տարեդարձին Առթիւ
-
10.08.2020
ՊԱՏՄՈՒԹԵԱՆ ՄԷՋ ԱՅՍՕՐ. Սեւրի Դաշնագիր

