• London

  • Beirut

  • Moscow

  • Los Angeles

  • Paris

  • Sydney

  • Toronto

Մարսէյլ – Ֆրանսա; Երեւանի Քաղաքապետը Վալերի Պուայէի Հետ Այցելած է Հայոց Ցեղասպանութեան Յուշահամալիր

15.07.2015   16:46

Երեւանի քաղաքապետ Տարօն Մարգարեան Մարսէլի փոխքաղաքապետ Տիտյէ Փարաքեանի, Մարսէլի մէջ ՀՀ գլխաւոր հիւպատոս Վարդան Սրմաքէշի եւ Մարսէլի 11 եւ 12-րդ շրջանի ղեկավար, Ֆրանսայի ԱԺ պատգամաւոր Վալերի Պուայէի ուղեկցութեամբ այցելած է հայկական Պոմոն թաղամասին մէջ գտնուող Հայոց ցեղասպանութեան զոհերու յիշատակը յաւերժացնող յուշահամալիր: Քաղաքապետը երեւանեան պատուիրակութեան անդամներուն հետ միասին յարգանքի տուրք  մատուցած է Մեծ եղեռնի անմեղ զոհերու յիշատակին: Այս մասին կը յայտնեն Քաղաքապետարանի մամլոյ ծառայութենէն:

Մարսէլի 11 եւ 12-րդ շրջանի ղեկավար, Ֆրանսայի ԱԺ պատգամաւոր Վալերի Պուայէն նշած է, որ Մարսէլի հայկական ու հայաշատ թաղամասին մէջ գտնուող յուշահամալիրը կ’առանձնանայ ոչ միայն որպէս ճարտարապետական կառոյց, այլեւ առանձնակի խորհուրդ ունի որպէս պատմական ուղեցոյց ինչպէս տեղի հայ համայնքի, այնպէս ալ Մարսէլի ողջ բնակչութեան համար: Քաղաքապետ Տարօն Մարգարեանին ներկայացուած է նաեւ յուշահամալիրի հարեւանութեամբ այս տարի տեղադրուած յուշաքարը, որը Մեծ եղեռնէն մազապուրծ  հայ մայրերու ու անոնց ժառանգներու իւրովի խոնարհումն է` ի յիշատակ 1915-ին զոհուած հայ կանանց:

Տեղուոյն վրայ Երեւանի քաղաքապետը ծանօթացած է նաեւ հայ համայնքի ներկայացուցիչներուն հետ, որոնք իրենց գոհունակութիւնը  փոխանցած են Տարօն Մարգարեանին` Երեւանի եւ Մարսէլի վերջին տարիներու արդիւնաւէտ համագործակցութեան համար, ընդգծելով, որ երկուստեք փոխգործակցութիւնը շատ կարեւոր է մարսէլահայութեան համար: Տարօն Մարգարեան իր հերթին վստահեցուցած է, որ երկու քաղաքներու փոխյարաբերութիւնները բարձր մակարդակի վրայ են ու պիտի շարունակեն ամրապնդուիլ:

 

 

Share Button

Leave a Reply

Your email address will not be published. Required fields are marked *

Լրատուութեան գործընկեր