• London

  • Beirut

  • Moscow

  • Los Angeles

  • Paris

  • Sydney

  • Toronto

21. 01. 2022

ՌԱԿ Լիբանանի Շրջ. Վարչութեենէն Պատուիրակութիւն մը Այցելեց Լիբանանի մօտ Հայաստանի Հանրապետութեան Արտակարգ եւ Լիազօր Դեսպան Վահագն Աթաբեկեանին

29.12.2018   00:16

Երէկ՝ 28 Դեկտեմբեր 2018-ին, Լիբանանի մօտ Հայաստանի Հանրապետութեան նորանշանակ արտակարգ եւ լիազօր դեսպան Վահագն Աթաբեկեան ընդունեց ՌԱԿ Լիբանանի Շրջանային Վարչութենէն պատուիրակութիւն մը:

Աւելի քան կէս ժամ տեւած ընդունելութեան ընթացքին, ՌԱԿ Լիբանանի Շրջանային Վարչութեան պատուիրակութիւնը պրն. Աթաբեկեանի հետ քննարկեց ընդհանրապէս հայ ազգը յուզող հարցեր: Պատուիրակութիւնը ՌԱԿի անունով իր պատրաստակամութիւնը յայտնեց ամէն ձեւով օժանդակելու Լիբանանի մէջ Հայաստանի դեսպանութեան գործունէութեան:

Հանդիպումը առիթ մը եղաւ անդրադառնալու լիբանանահայ համայնքի կեանքին՝ իր զանազան մարզերով ու ծալքերով: Դեսպան Աթաբեկեան իր գոհունակութիւնը յայտնեց լիբանանահայութեան կենսունակ դերակատարութեան ի լուր՝ յուսալով, որ միասնականութիւնը աւելի կը զօրացնէ ու կ’արժեւորէ անոր մասնակցութիւնը քաղաքական-ընկերային կեանքին մէջ:

Այնուհետեւ, զրոյցը զարգացաւ հայաստանեան իրականութենէն ներս՝ շեշտը դնելով այն գործօններուն վրայ, որոնք Հայաստանի ապագայական հեռանկարը կը դնեն ամուր հիմերու վրայ:

Տեղեկատուական Գրասենեակ

ՌԱԿ Լիբանանի Շրջանային Վարչութիւն

 

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր