• London

  • Beirut

  • Moscow

  • Los Angeles

  • Paris

  • Sydney

  • Toronto

«Հայաստանը Լիբանանի Սիրտին Մէջ»

22.12.2016   20:21

*ՀԱՄՕ ՄՈՍԿՈՖԵԱՆ*

Բարձր հովանաւորութեամբ Լիբանանի մօտ Հայաստանի Հանրապետութեան Դեսպանութեան, կազմակերպութեամբ Թէքէեան Մշակութային Միութեան Տեղական Վարչութեան, համագործակցութեամբ Պեթանիա Հարիսայի եւ ներկայութեամբ ՀՀ Սփիւռքի Նախարար Հրանուշ Յակոբեանի ՝ «Հայաստանը Լիբանանի Սիրտին Մէջ» թեմայով Շաբաթ 10 Դեկտեմբեր 2016ին աննախնդաց ձեռնարկ մը տեղի ունեցաւ, որուն ներկայ էին Լիբանանի պետական, կրօնական եւ քաղաքական ընտրանի մը:

IMG-20161221-WA0022 (1)

Այս պատմական հանդիսութիւնը սկսաւ Լիբանանի պետական հիմներու ներկայացմամբ եւ ունկնդրութեամբ: Ապա, բացման խօսքով հանդէս եկաւ Թէքէեան Մշակութային Միութեան ատենապետ ընկ. Տոքթ. Վիգէն Ասիլեան, որ ջերմօրէն ողջունեց ներկաները եւ նշեց, թէ 2000 տարիներէ ի վեր Հայաստանի ու Լիբանանի միջեւ յարաբերութիւնները այսպիսի մակարդակի վրայ չէին եղած: Ընկ. Տոքթ. Ասիլեան ուրախութեամբ նշեց վերջին տարիներուն երկու բարեկամ երկիրներու միջեւ զարգացող յարաբերութիւնները եւ զուգահեռները: Ան շնորհակալութիւն յայտնեց «Լիբանանի Տիրուհի»-ի (Սայտէթ Լուպնան) վանահայր Հայր Եունան Օպէյտի եւ «Հարիսայի հիւրընկալութիւն» հաստատութեան տնօրէն Ճիհատ Պասէլի:

IMG-20161221-WA0024

2016-12-13-PHOTO-00000005

 

Յատկանշական ելոյթներով հանդէս եկան  հայր Եունան Օպէյտ եւ Լիբանանի մօտ ՀՀ արտակարգ եւ լիազօր դեսպան Սամուէլ Մկրտչեան: Ապա, ներկաները հետաքրքրութեամբ դիտեցին հայութեան դրախտավայր՝ Հայաստանին նուիրուած վաւերագրական ֆիլմ մը:

IMG-20161221-WA0018

Իրենց կարեւոր խօսքերը հանդիսութեան մասնակիցներուն փոխանցեցին Զօր. Շէմէլ Ռուքօզ եւ ՀՀ Սփիւռքի նախարարուհի Հրանոյշ Յակոբեան: Վսեմափայլ նախարարուհին Թէքէեան Մշակութային Միութեան Հիմնադիրներու Մարմնի ատենապետ ընկ. Յակոբ Գասարճեանին կողմէ պարգեւատրուեցաւ լիբանանեան ձեռագործ յուշանուէրով:

IMG-20161221-WA0024

Քիչ յետոյ տաղանդաշատ քանդակագործ Անատոլի Աւետեանի նուիրաբերմամբ տեղի ունեցաւ Խաչի ստեղծագործութեան բացումը՝ ձեռամբ նախարարուհի Հրանոյշ Յակոբեանի եւ հայր Եունան Օպյէտի: Բացման յաջորդեց Մեղրիկ եպիսկոպոս Բարիքեանի Օրհնութիւնն ու աղօթքը, ինչպէս նաեւ հայր Եունան Օպէյտի ու Վատիկանի դեսպան Գաբրիէլ Կասսիային՝ հայերէն եւ արաբերէն, ֆրանսերէն ելոյթները:

IMG-20161221-WA0016

Տեղի ունեցաւ արուեստագէտ  Անատոլի Աւետեանի նկարչական ցուցահանդէսի բացումը, որուն ընթացքին տեղի ունեցաւ նաեւ Արցախի մասին արաբերէնով տպուած ներկայացումը:

Հիւրընկալները, կազմակերպիչները, ակամայ բաժնուեցան այս պատմական իրադարձութենէն, իբրեւ հայ-լիբանանեան կամուրջներու ամրապնդման նոր եւ ամրակուռ քայլ:

 

Share Button

Leave a Reply

Your email address will not be published. Required fields are marked *

Լրատուութեան գործընկեր