• London

  • Beirut

  • Moscow

  • Los Angeles

  • Paris

  • Sydney

  • Toronto

03. 06. 2023

Լիբանանի Մօտ ՀՀ Վսեմաշուք Դեսպան Աշոտ Քոչարեան Հրաժեշտի Այցելութիւն Տուաւ Թէքէեան Կեդրոն

15.02.2016   19:37

Երէկ յետմիջօրէին Լիբանանի մօտ իր դիւանագիտական առաքելութիւնը աւարտող՝ Հայաստանի Հանրապետութեան արտակարգ եւ լիազօր դեսպան Աշոտ Քոչարեան այցելեց Թէքէեան Կեդրոն հրաժեշտ տալու ՌԱԿի եւ ԹՄՄի ընտանիքին:

Մտերմիկ այս հանդիպումին ներկայ էին ԹՄՄ Հիմնադիրներու Մարմնի ատենապետ ընկեր Յակոբ Գասարճեանը, ՌԱԿ Լիբանանի Շրջանային Վարչութեան ատենապետ ընկեր Միքայէլ Վայէճեանն ու ՌԱԿի եւ ԹՄՄի ղեկավար շարք մը ընկերներ:

Վսեմաշուք դեսպանը դրուատիքով անդրադարձաւ իր պաշտօնավարութեան 6 տարիներու ընթացքին՝ ՀՀ դեսպանատան եւ ՌԱԿի ու ԹՄՄի Լիբանանի ընտանիքին միջեւ ստեղծուած համագործակցութեան ու սիրալիր կապի մասին:

Իրենց կարգին ընկերներ Գասարճեանն ու Վայէճեանը բարձր գնահատեցին վսեմաշուք դեսպանին առաքելութիւնը ամէն մակարդակի վրայ եւ երախտագիտութիւն յայտնեցին պարոն դեսպանին՝ իր եւ Լիբանանի գաղութի կառոյցներուն միջեւ ստեղծուած համագործակցութեան բարձր ոգիին համար:

Հանդիպումը առիթ մը եղաւ արծարծելու  Հայաստանի, Լիբանանի եւ տարածաշրջանի այժմէական հարցերուն շուրջ նիւթեր:

mike tesban

Աւարտին ընկ. Վայէճեան ՌԱԿ Լիբանանի Շրջանային Վարչութեան անունով յուշանուէր մը յանձնեց Պրն. Քոչարեանին՝ յաջողութիւն մաղթելով անոր իր ապագայի դիւանագիտական գործունէութեան մէջ:

 

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր