• London

  • Beirut

  • Moscow

  • Los Angeles

  • Paris

  • Sydney

  • Toronto

01. 04. 2023

ՌԱԿ – ՍԴՀԿ Հանդիպում

23.09.2015   23:30

Երէկ Սեպտեմբերի 23-ին ՍԴՀԿ Կեդրոնական վարչութեան Երևանի գրասենեակին մէջ հանդիպում մը տեղի ունեցաւ Ռամկավար Ազատական Կուսակցութեան եւ Սոցիալ Դեմոկրատ Հնչակեան Կուսակցութեան Կեդրոնական վարչութեանց ներկայացուցիչներուն միջև: ՌԱԿ Կեդրոնական Վարչութիւնը ներկայացուցին վարչութեան Ատենապետ ընկ. Մայք Խառապեանը և վարչութեան անդամ ընկ. Լևոն Պլըքեանը: ՍԴՀԿ Կեդրոնական վարչութիւնը կը ներկայացնէին  վարչութեան Ատենապետ Յակոբ Տիգրանեանը, վարչութեան անդամներ՝ Տոքթ. Եղիկ Ճերեճեանն ու Խաչիկ Քեշիշեանը:

Երկու կուսակցութիւններու ղեկավարները փոխադարձաբար զիրար ներկայացուցին Սփիւռքի և Հայաստանի մէջ իրենց ծաւալած  գործունէութիւններն ու յառաջիկայ ծրագիրները:

Հանդիպման ընթացքին կողմերու միջև խոսակցութիւնը կեդրոնացաւ Մերձաւոր Արևելքի, մասնաւորաբար՝ Սուրիոյ և Լիբանանի հայութեան այսօրուան հրատապ խնդիրներու վրայ: Կողմերը մտահոգութեամբ քննարկեցին խնդիրները հնարաւոր չափով մեղմելու ուղիներ:

Ժողովը չափազանց կարևոր համարելց հայապահպանութեան խնդիրը այսօր Սփիւռքի մէջ, ինչպէս նաև պատրաստակամութիւն յայտնեց այսուհետ ևս շարունակել ստանձնած յանձնառութիւնը,  այն է՝ սփիւռքահայ մատաղ սերունդի և Հայրենիքի հետ կապի պահպանման և ամրապնդման կարևորագոյն առաքելութիւնը:

Հանդիպման աւարտին կողմերը պայմանաւորուեցան շարունակել համագործակցութիւնը՝ ի նպաստ Սփիւռքի և Հայրենիքի:

ՌԱԿ  ՄԱՄԼՈՅ  ԿԵԴՐՈՆԱԿԱՆ  ՄԱՅՐ  ԴԻՒԱՆ

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր