• London

  • Beirut

  • Moscow

  • Los Angeles

  • Paris

  • Sydney

  • Toronto

25. 03. 2023

Ծաղկաձորի Մէջ Տեղի Պիտի Ունենայ Քոնեակի Փառատօն

10.04.2017   08:41

«Զբօսաշրջութեան զարգացման հիմնադրամ»-ը համագործակցութեամբ ՀՀ զբօսաշրջութեան պետական կոմիտէին, Մայիս 7-ին Ծաղկաձորի մէջ պիտի կազմակերպէ «Քոնեակի փառատօն»: Այս մասին՝ ըստ «Փանորամա»-ի՝  տեղեկացուցած է «Քոնեակի փառատօն» ծրագիրի ներկայացուցիչ Արա Խզմալեան:

Փառատօնին նպատակն է հայկական քոնեակի միջազգային ճանաչման բարձրացումը, ինչպէս նաեւ աւանդական եւ նոր շուկաներու մէջ անոր հանրայնացումը:

Կը նախատեսուի, որ փառատօնին մասնակցի քոնեակագործութեամբ զբաղող 30 ընկերութիւն:

Խզմալեանի խօսքով, նման նախաձեռնութիւնները զբօսաշրջութեան խթանման նախապայման են:

Անոր խօսքով, վերջերս Մոսկուայի մէջ տեղի ունեցած է Հայաստանի եւ Արցախի զբօսաշրջային արդիւնքը ներկայացնող շնորհահանդէս, որուն նպատակն էր բարձրացնել Հայաստանի ճանաչելիութիւնը եւ խթանել զբօսաշրջային արդիւնքը: Միջոցառման ընթացքին ներկայացուած է հայկական խոհանոցային մշակոյթը, կազմակերպուած է ուտեստներու եւ ոգելից խմիչքներու համտես:

«Զբօսաշրջութեան զարգացման հիմնադրամ»-ի նախագահ Տիգրան Կարապետեան ըսած է, որ քոնեակագործութիւնը այն ոլորտներէն է, որ իսկապէս կրնայ հետաքրքրել զբօսաշրջիկները, որոնք կու գան Հայաստան, կը ծանօթանան եւ երկրին, եւ հայկական քոնեակի աւանդոյթներուն:

«Մենք կը սպասենք մեծ թիւով զբօսաշրջիկներու` յատկապէս Ռուսիայէն, քանի որ ՌԴ քաղաքացիները իրենց ներքին անձնագիրներով կրնան գալ Հայաստան: Փառատօնի հիմնական շուկան Ռուսիան է, ընդհանուր առմամբ, կ’ակնկալուի, որ փառատօնին մասնակցի 25 հազարէն աւելի մարդ»,- ըսած է Կարապետեան:

 

 

 

Share Button

Deja un comentario

Tu dirección de correo electrónico no será publicada. Los campos obligatorios están marcados con *

NOTICIAS

Media Partner