«Նարեկացի» Արուեստի Միութեան Տան Մէջ Կայացաւ Լուսինէ Դաւութեանի Ձայնասկաւառակին Շնորհահանդէսը
«Նարեկացի» արուեստի միութեան տան մէջ, Մարտ 7-ին, տեղի ունեցաւ երիտասարդ ստեղծագործող Լուսինէ Դաւութեանի անդրանիկ ձայնասկաւառակին շնորհահանդէսը։ Այս մասին կը յայտնեն «Նարեկացի»-ի արուեստի միութենէն։
Լուսինէն ծնած է 1982-ին ԼՂՀ Մարտունի շրջանի Գիշի գիւղին մէջ: Ուսումը ստացած է ԵՊՀ փիլիսոփայութեան եւ հոգեբանութեան բաժանմունքի հոգեբանութեան բաժինէն ներս:
Երեկոն վարեց ձայնասփիւռի հաղորդավարուհի Անկան, որ ներկայացնելով Լուսինէն՝ յորդորեց աւելի ուշադիր եւ պատրաստակամ ըլլալ հաշմանդամութիւն ունեցող անձերուն նկատմամբ եւ ընել հնարաւոր ամէն ինչ` անոնց սովորական առօրեայ կեանք ընդելուզելու համար:
Լուսինէն հանդէս եկաւ նաեւ կենդանի կատարումով եւ անհատապէս շնորհակալութիւն յայտնեց այն մարդոց, որոնք իրենց աւանդը ունեցած են իր ձայնասկաւառակի թողարկման գործին մէջ` Արթուր Գրիգորեանին, Արսէն Գրիգորեանին (Մրօ), բարերար Գրիգոր Մանթաշեանին:
Ձայնասկաւառակին մէջ տեղ գտած են Լուսինէ Դաւութեանի կատարումով հնչող «Կռունկ», «Լուսին», «Մերիկ», «Րուրի», «Շարանի» ստեղծագործութիւնները:
Ողջոյնի ելոյթներով հանդէս եկան Հայաստանի Հանրապետութեան մշակոյթի նախարարի տեղակալ Ներսէս Տէր Վարդանեան, Լուսինէի ուսուցիչներէն Զաւէն Թագակչեան, Հայաստանի կոյրերու միաւորման նախագահ Եուրա Աւետիսեան, «Մոնթէ Մելքոնեան» հիմնադրամի նախագահ Ալեք Ենիգոմշեան, գործարար Գրիգոր Մանթաշեան եւ ուրիշներ:
Deja un comentario
NOTICIAS
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
11.01.2019
En la Argentina y en Armenia Reconocimiento al trabajo del Dr. Roberto
-
11.01.2019
Propulsor del reconocimiento del genocidio armenio en su país Con el
-
11.01.2019
Señora Nadya Kaspar de Ekserciyan, “Personalidad del año 2018 de las
-
05.12.2018
Ալեքսանտր Սարուխան Ծննդեան 120 Ամեակ
-
16.11.2018
ARA KHATCHADOURIAN VISITE MESROBIAN
-
27.10.2018
No aprobó las enmiendas al Código Electoral
-
27.10.2018
Jean Almouhian, con un lugar propio en Armenia
-
27.10.2018
La visita de los jóvenes atletas olímpicos armenios a nuestras
