• London

  • Beirut

  • Moscow

  • Los Angeles

  • Paris

  • Sydney

  • Toronto

Ատոմ Էկոյեանին Շնորհուած է Գանատայի Ազգային Շքանշանի Բարձրագոյն Տիտղոսը

22.02.2017   08:34

Գանատայի կառավարութիւնը` ի դէմս զօրավար-նահանգապետ Տէյվիտ Ճոնսթընի, Փետրուար 17-ին, Ատոմ Էկոյեանին շնորհած է Գանատայի Ազգային Շքանշանի բարձրագոյն տիտղոսը` երկրի մշակոյթի մէջ կատարած ներդրումին համար:

Այս մասին ֆէյսպուքի իր էջին մէջ հաղորդած է Արսինէ Խանճեան:

«Ատոմ Էկոյեանը նուիրուած է երկրի երիտասարդ տաղանդներու եւ բազմազան մշակութային դաշտի զարգացման: Մեր մշակութային գանձերէն մէկը` իբրեւ  բեմադիչ ան ձեռք բերած է միջազգային համբաւ` միեւնոյն ժամանակ ամուր կապուած մնալով Գանատայի հետ: Համայնքի, մեկուսացման, մեր կեանքին մէջ արհեստագիտութեան դերի թեմաները կեդրոնական  են անոր գերազանց ստեղծագործական գործունէութեան մէջ: Նուիրելով իր ժամանակը եւ տաղանդը` ան նաեւ կը դասաւանդէ եւ կը հանդիսանայ մշակութային ձեռնարկներու եւ շարժապատկերի փառատօններու գործօն մասնակից եւ ժիւրի: Ան նաեւ տաղանդաւոր արուեստագէտ է եւ թատրոնի ու օփերայի բեմադրիչ»,- նշուած է շքանշանի յանձնման արարողութեան ժամանակ:

Share Button

Deja un comentario

Tu dirección de correo electrónico no será publicada. Los campos obligatorios están marcados con *

Media Partner