• London

  • Beirut

  • Moscow

  • Los Angeles

  • Paris

  • Sydney

  • Toronto

Արա Կիւլէր Բացումը Պիտի Կատարէ Թուրք-գերմանական Ֆիլմերու Փառատօնին

16.02.2017   21:00

Թուրքիոյ քաղաքացի, աշխարհահռչակ հայ լուսանկարիչ Արա Կիւլէր ներկայ պիտի ըլլայ Գերմանիոյ Նիւրնպերկ քաղաքի Թաֆելհալլէ թատրոնին մէջ կայանալիք «Թուրք-գերմանական ֆիլմերու փառատօն»-ի բացման արարողութեան: Ան արժանացած է փառատօնի բացումը կատարելու պատուին, կը գրէ ermenihaber.am-ը՝ վկայակոչելով «Սոզճու» («Sozcu») թերթը:

Բացման արարողութեան ժամանակ Կիւլէր, ինչպէս նաեւ գերմանացի կինոգործարկող Եուրկեն Եուրկեսը պատուոյ շքանշաններ պիտի ստանան:

Փառատօնը  տեղի պիտի ունենայ Մարտ 4-12-ին: Կը նշուի, որ շարժապատկերի փառատօնի ժամանակ պիտի ցուցադրուի նաեւ թուրք բեմադրիչ Օսման Օքքանի նկարահանած «Արա Կիւլէր-Սթամպուլի առասպելը» վաւերագրական ֆիլմը:  Ցուցադրութենէն ետք Կիւլէր եւ Օքքան հանդէս պիտի գան ելոյթով:

Աղբիւրը կը տեղեկացնէ, որ շարժապատկերի փառատօնի ծիրէն ներս պիտի շնորհուին «Ամենալաւ երկար ֆիլմ», «Ամենալաւ կարճ ֆիլմ», «Ամենալաւ դերասանուհի», «Ամենալաւ դերասան» մրցանակները: Ամենալաւ երկար եւ կարճ ֆիլմերու համար նախատեսուած մրցանակներուն կը յաւակնի 10 ֆիլմ:

Յաղթող ֆիլմերուն անունները յայտնի պիտի դառնան Մարտ 11-ին:

Share Button

Deja un comentario

Tu dirección de correo electrónico no será publicada. Los campos obligatorios están marcados con *

Media Partner