• London

  • Beirut

  • Moscow

  • Los Angeles

  • Paris

  • Sydney

  • Toronto

Սիրահարներու Այգիին Մէջ Պիտի Տեղադրուի Դաւիթ Երեւանցիի Քանդակը

13.02.2017   08:48

Երեւանի Սիրահարներու այգիի տարածքին պիտի տեղադրուի «Սիրահարներ» արձանը: Տեղադրման համաձայնութիւն տալու համար հարցը ընդգրկուած է Երեւանի աւագանիի յառաջիկայ նիստի օրակարգին մէջ, կը տեղեկացնէ Երեւանի քաղաքապետարանի կայքէջը:

Քանդակին հեղինակը Հայաստանի ժողովրդական նկարիչ, քանդակագործ Դաւիթ Երեւանցին  է /Դաւիթ Նիկոլի Բաբայեան/:  Անոր գործերը տեղադրուած են աշխարհի բազմաթիւ երկիրներու մէջ, մասնաւորապէս` Փարիզի եւ անոր արուարձաններուն մէջ տեղադրուած է Դ.Երեւանցիի` Հայոց Ցեղասպանութեան թեմայով շարք մը գործեր:

Անուանի քանդակագործին հեղինակած աշխատանքներէն են՝ Հայոց Ցեղասպանութեան զոհերուն նուիրուած յուշարձանը (Լիլաս քաղաքի գերեզմանատան մէջ, Ֆրանսա), Ցեղասպանութեան զոհերու յիշատակին նուիրուած Կոմիտասի յուշարձանը (Փարիզ), «Ղարաբաղցի կինը» քանդակը (1988, Երեւան), Ուիլիըմ Սարոյեանի յուշարձանը (2008, Երեւան), «Վարք յաւերժութեան» քանդակ (2012, Երեւան), Գրիգոր Հասրաթեանի յուշաքարը: Հեղինակ է նաեւ դրուագումներու («Կոմիտաս», 1968, պրոնզ, «Աղջիկ», 1972, պղինձ եւ այլն), գեղանկարներու, դիմանկարներու, մետալներու, զարդերու:

«Քանդակագործ Դաւիթ Երեւանցիի հեղինակած եւ Երեւան քաղաքին նուիրաբերած «Սիրահարներ» քանդակային աշխատանքը Երեւանի քաղաքապետին կից գեղարուեստի յանձնաժողովի կողմէ արժանացած է հաւանութեան եւ առկայ է նաեւ Երեւան քաղաքի Սիրահարներու այգիի տնօրինութեան համաձայնութիւնը»,-ըսուած է աւագանիի որոշման նախագիծին մէջ:

 

Share Button

Deja un comentario

Tu dirección de correo electrónico no será publicada. Los campos obligatorios están marcados con *

Media Partner