Գլխաւոր | Լուրեր | Մշակութային Լուրեր | Արցախի Մէջ Կայացած է Ձեռագործ Աշխատանքներու Ցուցահանդէս-Վաճառք

Արցախի Մէջ Կայացած է Ձեռագործ Աշխատանքներու Ցուցահանդէս-Վաճառք

03.09.2014 10:59

Ստեփանակերտի Ստեփան Շահումեանի անուան օղակաձեւ պուրակի մէջ վերջերս տեղի ունեցած է ձեռքի աշխատանքներու ցուցահանդէս-վաճառք` ԼՂՀ մշակոյթի եւ երիտասարդութեան հարցերու նախարարութեան նախաձեռնութեամբ: Այս մասին կը հաղորդէ Armenpress.am-ը՝ վկայակոչելով “Արցախփրէս”-ը:

Ցուցահանդէսին ներկայացուած է 24 գորգ, 23 կարպետ, 24 ասեղնագործ գորգ եւ 8 գոբելեն: ԼՂՀ մշակոյթի եւ երիտասարդութեան հարցերու նախարարի տեղակալ եւ “Արցախեան գորգարուեստ” մրցոյթի յանձնաժողովի նախագահ Լեռնիկ Յովհաննիսեանը պատուոգրեր եւ դրամական պարգեւներ յանձնած է մրցոյթի տարբեր անուանակարգերու մէջ յաղթող հանրածանօթ մասնակիցներուն:

Լեռնիկ Յովհաննիսեանի խօսքով, այս տարուան գարնան յայտարարուած էին “Արցախեան գորգեր” եւ “Իմ տոհմածառը” անուանակարգերով մրցոյթներ` առանց տարիքային սահմանափակումներու (11-62 տարեկանները):

Մրցոյթին մասնակցած են Արցախի բոլոր շրջաններու ներկայացուցիչները, մանաւանդ բաւական աշխոյժ եղած է վերաբնակեցուող Քաշաթաղի շրջանը:

“Մենք նպատակ ենք ունեցել վերականգնել Արցախի մշակութային աւանդոյթները: Մեր հիմնական պահանջը եղել է այն, որ գորգերը լինեն արցախեան նախշազարդերով. չէ՞ որ Արցախը ժամանակին եղել է հայոց գորգագործական կենտրոններից մէկը: Այսօր էլ Արցախը նորից վերադառնում է իր արմատներին` այնտեղից պեղելու համար մերը` ազգայինը: ԼՂՀ մշակոյթի եւ երիտասարդութեան հարցերի նախարարութիւնը քայլեր է ձեռնարկում այդ կարեւորագոյն ճիւղը վերականգնելու ուղղութեամբ: Այս մրցոյթն էլ հէնց ուղուած է դրան”,- աւելցուցած է Լեռնիկ Յովհաննիսեան:

Նմանատիպ մրցոյթները պիտի կրեն շարունակական բնոյն:

www.armenpress.am