«Ոսկէ Ծիրան» Միջազգային Փառատօնը Աւարտեցաւ
«Ոսկէ Ծիրան»-ի 11-րդ միջազգային շարժապատկերի փառատօնը, որ նուիրուած էր Սերկէյ Փառաջանովի 90-ամեայ յոբելեանին, փակուեցաւ 19 Յուլիսին, Ալ. Սպենդիարեանի օփերայի եւ պալէի ակադեմական թատրոնին մէջ: Այս մասին կը հաղորդէ Armenpress.am-ը:
«Ոսկէ Ծիրան» միջազգային շարժապատկերի փառատօնի հիմնադիր-տնօրէն Յարութիւն Խաչատրեան 20 Յուլիսին հրաւիրած ամփոփիչ մամլոյ ասուլիսով շնորհակալութիւն յայտնեց լրագրողներուն, հանդիսատեսներուն եւ դատական կազմի անդամներուն: «Մեր դատական կազմը շատ բարձր մակարդակ ունէր, եւ մեր հանդիսատեսը բաւական շարժապատկերներ դիտեց: Հայաստանի համար այսպիսի փառատօն կազմակերպելը հերոսութիւն է»,- ըսաւ Յարութիւն Խաչատրեան:
«Ոսկէ Ծիրան»-ի այս տարուան գլխաւոր մրցանակին տիրացաւ Միրոսլաւ Սլապոշփիթսքիի «Ցեղը» ժապաւէնը: Ան ճանչցուեցաւ լաւագոյն խաղարկային շարժապատկեր: Վաւերագրական շարժապատկերներու մրցումին յաղթեց Ճիովանի Տոնգրանչեսքոյի «Քարէ գետ»-ը: «Հայկական համայնապատկեր» ծրագիրի կարճտեւողութեան շարժապատկերի համար մրցանակ ստացաւ Վահրամ Մխիթարեանի «Կաթնեղբայր»-ը, իսկ խաղարկային շարժապատկերի համար «Ոսկէ Ծիրանի»-ին արժանացաւ Ջիւան Աւետիսեանի «Թեւանիկ» շարժապատկերը: Շարք մը այլ գործերու շնորհուեցան նաեւ յատուկ մրցանակներ եւ պատուոյ գիրեր: Յաղթողները արժանացան նաեւ դրամական նուէրներու:
Նշենք, որ «Ոսկէ Ծիրան» շարժապատկերի փառատօնը Երեւանի մէջ տեղի ունեցող մեծագոյն մշակութային իրադարձութիւններէն մէկն է:
«Ոսկէ Ծիրան» միջազգային շարժապատկերի փառատօնը իր հիմնադրութենէն` 2004-էն ի վեր կը գործէ «Քաղաքակրթութիւններու եւ մշակոյթներու խաչմերուկ» նշանաբանով: Փառատօնը ամէն տարի կը ներկայացնէ 120-150 շարժապատկեր` մրցութային եւ արտամրցութային տարբեր ծրագիրներով:
Deja un comentario
NOTICIAS
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
11.01.2019
En la Argentina y en Armenia Reconocimiento al trabajo del Dr. Roberto
-
11.01.2019
Propulsor del reconocimiento del genocidio armenio en su país Con el
-
11.01.2019
Señora Nadya Kaspar de Ekserciyan, “Personalidad del año 2018 de las
-
05.12.2018
Ալեքսանտր Սարուխան Ծննդեան 120 Ամեակ
-
16.11.2018
ARA KHATCHADOURIAN VISITE MESROBIAN
-
27.10.2018
No aprobó las enmiendas al Código Electoral
-
27.10.2018
Jean Almouhian, con un lugar propio en Armenia
-
27.10.2018
La visita de los jóvenes atletas olímpicos armenios a nuestras
