• London

  • Beirut

  • Moscow

  • Los Angeles

  • Paris

  • Sydney

  • Toronto

26. 05. 2022

Արցախի Բանակին Կողմէ Գերի Առնուածին Մայրը Կը Պնդէ, Որ Իր Որդին Զինծառայող Էր. Կը Բացայայտուի Ազրպէյճանի Սուտը

03.02.2017   08:33

Լեռնային Ղարաբաղի Հանրապետութեան պաշտպանութեան բանակին կողմէ գերեվարուած ազրպէյճանցի զինծառայողին մայրը հերքած է Ազրպէյճանի պաշտպանութեան նախարարութեան յայտարարութիւնը այն մասին, որ գերի առնուածը Ազրպէյճանի բանակի զինծառայող չէ:

Այս մասին տեսանիւթ մը տարածած է Istipress.com-ը:

Տեսանիւթին մէջ զինուորին մայրը ներկայացուցած է, որ գերեվարուած Էլնուր Հուսէյին Զատէն ռազմական ծառայութեան աւարտէն չորս ամիս ետք վերադարձած է բանակ պայմանագրային զինծառայողի կարգավիճակով:

Վերջին անգամ ան տուն եղած է ներթափանցման փորձի նախօրէի երեկոյեան:

Յիշեցնենք, որ Լեռնային Ղարաբաղի Հանրապետութեան պաշտպանութեան նախարարութիւնը կը հաղորդէ, որ 1 Փետրուար 2017-ի մօտաւորապէս  ժամը 15:00-ին, ղարաբաղեան-ազրպէյճանական հակամարտ զօրքերու շփման գիծի հիւսիսային (Թալիշ) ուղղութեամբ հակառակորդը, օգտագործելով եղանակային մառախլապատ պայմանները, ձեռնարկած է հետախուզական-ներթափանցման փորձի: Պաշտպանութեան բանակի յառաջապահ ուժերը, ժամանակին նկատելով ազրպէյճանական յատուկ ջոկատայիններու յառաջխաղացումը, դիմած են կանխարգելիչ գործողութիւններու եւ կորուստներ պատճառելով ետ շպրտած զանոնք: Կազմակերպուած դիմադրական գործողութեան շնորհիւ, առաջնագիծը պաշտպանող հայկական ուժերը յաջողած են գերեվարել ազրպէյճանական բանակի զինուոր, 1995-ի ծնունդ Էլնուր Հուսէյին Զատէն:

Ըստ հաւաստի տուեալներու` հակառակորդը տուած է նաեւ առնուազն 1 վիրաւոր, որ ի դէպ, պաշտօնապէս հաստատուած է Ազրպէյճանի պաշտպանութեան նախարարութեան կողմէ այսօր տարածուած հաղորդագրութեամբ մը:

Share Button

Deja un comentario

Tu dirección de correo electrónico no será publicada. Los campos obligatorios están marcados con *

NOTICIAS

Media Partner