ԵՊԲՀ 20 Միլիոն Դրամ Պիտի Տրամադրէ Զոհուածներու Ընտանիքներուն
Մխիթար Հերացիի անուան Երեւանի պետական բժշկական համալսարանի (ԵՊԲՀ) գիտական խորհուրդի 29 Դեկտեմբերի նիստի օրակարգի վրայ էին ամպիոններու վարիչներու ընտրութեան, ինչպէս նաեւ գիտական կոչումներու հաստատման հարցեր:
Այս տեղեկութիւնը, ըստ Armenpress.am-ի, փոխանցած է ԵՊԲՀ մամուլի քարտուղար Տաթեւիկ Գրիգորեան, որ աւելցուցած է, թէ նիստին ընթացքին հաստատուած են նաեւ անուանական կրթաթոշակառուները: Ամպիոնի վարիչներու ընտրութեան եւ գիտական կոչումներու հաստատման փակ գաղտնի քուէարկութենէն ետք ԵՊԲՀի նախագահ Արմէն Մուրատեան ներկայացուցած է համալսարանի յառաջիկայ ծրագիրները: Ան շատ կարեւոր նկատած է բժշկական մայր համալսարանի միջազգայնացման գործընթացը, որ հիմք պիտի ըլլայ յետագայ աշխատանքներուն եւ ապահովէ ԵՊԲՀ-ին տեղը միջազգային կրթական բնագաւառին մէջ: Ան ընդգծած է նաեւ առկայ հզօրութիւններու արդիականացման վերաբերող աշխատանքներու իրականացման կարեւորութիւնը:
Գիտական խորհուրդի նիստի աւարտին Արմէն Մուրատեան յայտարարած է, որ այս տարի համալսարանը տնտեսած է որոշակի գումար, որուն վրայ աւելցնելով ամանորեայ նախաձեռնութիւններուն համար նախատեսուած գումարը, շուրջ 20 միլիոն դրամ պիտի տրամադրուի ապրիլեան քառօրեայ պատերազմին զոհուածներուն ընտանիքներուն:
Նշենք նաեւ, որ Մխիթար Հերացիի անուան Երեւանի պետական բժշկական համալսարանի ղեկավարութիւնը կը ծրագրէ շարունակական դարձնել ընկերային այս կարեւոր նախաձեռնութիւնը:
Deja un comentario
NOTICIAS
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
11.01.2019
En la Argentina y en Armenia Reconocimiento al trabajo del Dr. Roberto
-
11.01.2019
Propulsor del reconocimiento del genocidio armenio en su país Con el
-
11.01.2019
Señora Nadya Kaspar de Ekserciyan, “Personalidad del año 2018 de las
-
05.12.2018
Ալեքսանտր Սարուխան Ծննդեան 120 Ամեակ
-
16.11.2018
ARA KHATCHADOURIAN VISITE MESROBIAN
-
27.10.2018
No aprobó las enmiendas al Código Electoral
-
27.10.2018
Jean Almouhian, con un lugar propio en Armenia
-
27.10.2018
La visita de los jóvenes atletas olímpicos armenios a nuestras
