Սեւրի Դաշնագիրը՝ Ստորագրուած 10 Օգոստոս 1920-ին
*ՀՐԱՅՐ ԳԱՖԷՍԵԱՆ*
Ընկ. Գերսամ Ահարոնեանը իբր Հայոց Պատմութեան ուսուցիչս՝ բախտաւորութիւնը ունեցած ըլլալով, շատ յանցաւոր պիտի զգայի, նման թուականի մը յիշողութիւնս անարձագանգ ձգելով: Հետեւաբար՝ ստորեւ կը կցեմ ուսանողական օրերէս, Պատմութեան նոթատետրէս քանի մը նախադասութիւններ ուսուցիչիս՝ մտածումներէն:
Սեւրի Դաշնագիրը, ստորագրուած 10 Օգոստոս 1920ին, կը հանդիսանայ մեր իրաւունքներուն միջազգային ու պաշտօնական ճանաչումը:
Սեւրի Դաշնագիրը ՍԵՓԱԿԱՆՈՒԹԵԱՆ ԱՆՈՒՐԱՆԱԼԻ ԿԱԼՈՒԱԾԱԹՈՒՂԹ-ՓԱՍՏԱԹՈՒՂԹ է մեր ձեռքին մէջ՝ Ուիլսընեան սահմաններու կամ արեւմտահայ հողերու մասին, որուն վրայ կրնանք խարսխել մեր ներկայ քարոզչութիւնն ու պահանջները:
Ճիշդ է թէ, Սեւրի դաշնագիրը իր ստորագրումէն շուրջ երեք տարի ետք, 24 Յուլիս 1923ին, Լոզանի Դաշնագրով չեղեալ հռչակուած եղաւ, ջնջուած եղաւ միջազգային դիւանագիտութեան կամ քաղաքականութեան համար, Լոզանը դարձաւ Սեւրի գերեզմանը, ուր ի միջի այլոց, թաղուեցաւ մեր Արեւմտահայ հողային դատը, ուր սրբուեցան Ուիլսընեան սահմանները, ուր գիծ քաշուեցաւ նորաստեղծ Հայաստանի արեւմտեան մասը քարտէսին վրայ: Սակայն, Լոզանը մեր իրաւունքներուն ուրացումը չէ, խնդրոյ առարկայ հողերուն հայկականութեան ժխտումը չէ, այլ պարզապէս, Թրքական կատարուած իրողութեան մը ճանաչումն է, յաղթական Քեմալականներու բռնագրաւումներուն մասին միջազգային արձանագրութիւն մըն է: Մեր իրաւունքը, սեփականութեան մեր փաստաթուղթը չէ հերքուած, այլ կը մնայ ի զօրու, կը մնայ անհերքելի և անուրանալի:
Սեւրի մէջ մեր յաջողութիւնը համահայկական ճիգերու արդիւնք էր, զայն իւրացնելու փորձերը քաղաքական չարաշահութիւն են, մեծամոլութեան աւելորդ ցուցադրութիւններ են:
Սեւրի դաշնագրին տարեդարձը լաւագոյն առիթ մըն է համահայկական կազմակերպուածութեամբ, աւելի եւս խորացնելու և ծաւալելու Հայկական Դատը հետապնդելու աշխատանքները, ներկայացնելու համար մեր պահանջները:
Deja un comentario
NOTICIAS
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
11.01.2019
En la Argentina y en Armenia Reconocimiento al trabajo del Dr. Roberto
-
11.01.2019
Propulsor del reconocimiento del genocidio armenio en su país Con el
-
11.01.2019
Señora Nadya Kaspar de Ekserciyan, “Personalidad del año 2018 de las
-
05.12.2018
Ալեքսանտր Սարուխան Ծննդեան 120 Ամեակ
-
16.11.2018
ARA KHATCHADOURIAN VISITE MESROBIAN
-
27.10.2018
No aprobó las enmiendas al Código Electoral
-
27.10.2018
Jean Almouhian, con un lugar propio en Armenia
-
27.10.2018
La visita de los jóvenes atletas olímpicos armenios a nuestras
