Թեհրան Երեւանին Եւ Պաքուին Կոչ Կ’ընէ Արցախի Տագնապը Լուծելու՝ «Առանց Երրորդ Կողմի Միջամտութեան»
Հայաստան եւ Ազրպէյճան պէտք չէ արտօնեն, որ երրորդ ուժեր միջամտեն Արցախի տագնապի կարգաւորման. Թեհրանի մէջ այսպէս յայտարարած է Իրանի պաշտպանութեան նախարար Հոսէյն Տեղան, Ազրպէյճանի պաշտպանութեան նախարար Զաքիր Հասանովի հետ իր հանդիպման ընթացքին։
Իրանցի պաշտօնատարներու հետ Հասանովի քննարկումներուն հիմնական նիւթերէն մէկը եղած է ղարաբաղեան խնդիրի կարգաւորումը:
«Յոյս ունիմ, որ Հայաստան եւ Ազրպէյճան ղարաբաղեան տագնապի խաղաղ կարգաւորման կը մօտենան վճռական կերպով եւ երրորդ ուժերու միջամտութեան ու ճգնաժամի խորացման առիթներ չեն տար», նշած է Իրանի պաշտպանութեան նախարարը:
Տեղան Ազրպէյճանի իր պաշտօնակիցին հետ քննարկած է նաեւ տարածաշրջանային շարք մը տագնապներ՝ մատնանշելով այն ուժերը, որոնք ըստ Թեհրանի, կը վտանգեն տարածաշրջանային ապահվութիւնն ու կայունութիւնը:
«Ոչ միայն մեր տարածաշրջանը, այլեւ ամբողջ աշխարհը այսօր կ’ենթարկուի այն ահաբեկչական սպառնալիքներուն, որոնց աղբիւրներն են Իսլամական պետութիւն ու Ժապհաթ Նուսրա ծայրայեղական խմբաւորումները, Միացեալ Նահանգները, Սէուտական Արաբիան եւ սիոնիստական վարչակարգը (Իսրայէլ)», յայտարարած է Տեղան:
Հասանովի հետ խորհրդակցութիւններուն ընթացքին, Իրանի պաշտպանութեան նախարարը նաեւ ըսած է, որ վերոյիշեալ ուժերէն քանի մը հատը ջանք կը թափեն վնաս հասցնել Պաքուի եւ Թեհրանի միջեւ ռազմաքաղաքական համագործակցութեան խորացման:
«Մենք պէտք չէ արտօնենք, որ արտաքին ուժերը խաթարեն Ազրպէյճանի եւ Իրանի ռազմական համագործակցութիւնը: Մեր երկու ժողովուրդները սերտ յարաբերութիւններ ունին ցեղային, պատմական, մշակութային եւ կրօնական կապերու ընդմէջէն: Մեր յարաբերութիւնները օրէ օր աւելիով կը խորանան: Շատ լաւ պիտի ըլլար, եթէ այդ յարաբերութիւնները զարգանային նաեւ պաշտպանական ոլորտին մէջ», նշած է Տեղան:
Իր կարգին, Հասանով ըսած է. «Ազրպէյճան եւ Իրան բարեկամական կապեր ունեցող եղբայրական պետութիւններ են: Իրանի հետ ռազմական համագործակցութեան ծաւալումը կը բխի նաեւ Ազրպէյճանի շահերէն»։
Deja un comentario
NOTICIAS
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
11.01.2019
En la Argentina y en Armenia Reconocimiento al trabajo del Dr. Roberto
-
11.01.2019
Propulsor del reconocimiento del genocidio armenio en su país Con el
-
11.01.2019
Señora Nadya Kaspar de Ekserciyan, “Personalidad del año 2018 de las
-
05.12.2018
Ալեքսանտր Սարուխան Ծննդեան 120 Ամեակ
-
16.11.2018
ARA KHATCHADOURIAN VISITE MESROBIAN
-
27.10.2018
No aprobó las enmiendas al Código Electoral
-
27.10.2018
Jean Almouhian, con un lugar propio en Armenia
-
27.10.2018
La visita de los jóvenes atletas olímpicos armenios a nuestras
