• London

  • Beirut

  • Moscow

  • Los Angeles

  • Paris

  • Sydney

  • Toronto

ԼՂ Հակամարտութիւնը Պէտք է Ունենայ Խաղաղ եւ Տեւական Լուծում. ԵԱՀԿ

13.04.2017   08:59

Հակառակ Լեռնային Ղարաբաղի հակամարտութեան գօտիին վրայ լարուածութեան աճին եւ բանակցային գործընթացի սահմանափակ առաջընթացին, ԵԱՀԿ-ը կը շարունակէ պնդել, որ պէտք է աշխատիլ հակամարտութեան խաղաղ եւ տեւական լուծում տալու ուղղութեամբ:

Ըստ «Panorama.am»-ի` այս մասին նշուած է ԵԱՀԿ գործունէութեան 2016-ի զեկոյցին մէջ, ուր ամփոփուած են կազմակերպութեան գործունէութեան եւ իրականացուցած ծրագիրներուն արդիւնքները:

«2016-ի գարնան սահմանագիծի վրայ լարուածութեան սրումը մեծցուցած է հակամարտութեան լուծում տալու անհրաժեշտութիւնը: ԵԱՀԿ-ի մէջ նախագահութեան ծիրէն ներս Գերմանիան մեծ ջանքեր գործադրած է այս եւ այլ հակամարտութիւնները լուծելու համար` ձգտելով ընդգծել ԵԱՀԿ ձեւաչափի ամրապնդումը հակամարտութիւններու լուծման եւ այդ հակամարտութիւններուն իբրեւ արդիւնք՝ տուժող մարդոց կեանքը բարելաւելու հարցով»,- նշուած է կազմակերպութեան տարեկան զեկոյցին մէջ:

Ըստ զեկոյցին` Գերմանիան, իբրեւ ԵԱՀԿ-ի մէջ նախագահող երկիր, անմիջապէս արձագանգած է Լեռնային Ղարաբաղի մէջ Ապրիլին սկսած ռազմական գործողութիւններուն եւ հրաւիրած Մշտական խորհուրդի արտակարգ նիստ` կոչ ընելով իրականացնելու Ս. Փեթերզպուրկի եւ Վիեննայի մէջ նախագահներու մակարդակով ձեռք բերուած համաձայնութիւնները:

Հաշուետուութեան մէջ նաեւ նշուած է, որ 2016-ի ընթացքին Հայաստանը եւ Ազրպէյճանը ԵԱՀԿ-ին 45 408 եւրոյի նիւթական աջակցութիւն տրամադրած է: Նաեւ կը նշուի, որ կողմերուն աջակցութեամբ՝ 2016-ի ընթացքին ԵԱՀԿ-ը մշտադիտարկում իրականացուցած է 22 անգամ, որուն 5-ը` հայ-ազրպէյճանական սահմանին, իսկ 17-ը` Լեռնային Ղարաբաղի եւ Ազրպէյճանի հակամարտ զօրքերու սահմանագիծին վրայ:

Share Button

Deja un comentario

Tu dirección de correo electrónico no será publicada. Los campos obligatorios están marcados con *

Media Partner