• London

  • Beirut

  • Moscow

  • Los Angeles

  • Paris

  • Sydney

  • Toronto

Ամենայն Հայոց Կաթողիկոսը Ցաւակցագիր Յղած է Ղպտի Եկեղեցւոյ Հովուապետին

11.04.2017   07:36

Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսը ցաւակցական գիր յղած է Ղպտի Ուղղափառ Եկեղեցւոյ պետ, Աղեքսանդրիոյ Պապ եւ համայն Ափրիկէի Թաւադրոս Բ. պատրիարքին` Թանթայի (Եգիպտոս) Սուրբ Գէորգ եկեղեցւոյ եւ Աղեքսանդրիոյ Ս. Մարկոս եկեղեցւոյ առջեւ տեղի ունեցած ահաբեկչութիւններուն առիթով, որոնց զոհ դարձած են եւ վիրաւորուած բազմաթիւ անմեղ մարդիկ:

Մայր Աթոռի տեղեկատուական համակարգին հաղորդած տեղեկութիւններով՝ ամենայն Հայոց Կաթողիկոսը Գերագոյն հոգեւոր խորհուրդի, Մայր Աթոռ Ս. Էջմիածինի միաբանութեան եւ Հայոց Եկեղեցւոյ հաւատացեալներուն անունով ցաւակցութիւն յայտնած է Նորին Սրբութեան եւ Ղպտի Ուղղափառ Եկեղեցւոյ հետեւորդներուն:

«Այս ծանր պահուն Մեր աղօթքներով ու մտքով զոհուածներու ընտանիքներուն եւ Ձեզի հետ ենք»,- նշած է Վեհափառ Հայրապետը` դատապարտելով ահաբեկչական գործողութիւնները:

Ամենայն Հայոց Կաթողիկոսը հայցած է Ամենազօր Աստծուն երկնային օթեւաններուն մէջ հանգստութիւն պարգեւելու զոհուածներու հոգիներուն, մխիթարութիւն` անոնց ընտանիքներուն եւ Քոյր Եկեղեցւոյ բոլոր հաւատացեալներուն:

 

Share Button

Deja un comentario

Tu dirección de correo electrónico no será publicada. Los campos obligatorios están marcados con *

Media Partner