• London

  • Beirut

  • Moscow

  • Los Angeles

  • Paris

  • Sydney

  • Toronto

02. 06. 2023

Պարոնուհի Քերոլայն Քօքս Ուխտագնացութիւն Կազմակերպած է Դէպի Արցախ

20.08.2015   11:28

Դարձեալ  Արցախ կը գտնուի  հայ ժողովուրդի բարեկամ, Մեծ Բրիտանիոյ խորհրդարանի լորտերու պալատի անդամ պարոնուհի Քերոլայն Քօքս՝ խումբ մը ուխտագնացներու հետ: Այս մասին կը յայտնէ Artsakhpress-ը։

Աղբիւրի համաձայն Քաշաթաղի «Մերան» պաշտօնաթերթի խմբագիր Զոհրապ Ըռքոյեան  յատնած է, որ ուխտագնացները պիտի գիշերեն Բերձորի՝ Հակարի գետի ափին ստեղծուած բանակավայրի մէջ:

Բերձորի մուտքի մօտ հիւրերը դիմաւորած են Քաշաթաղի շրջանային վարչակազմի ղեկավարի տեղակալներ՝ Արտուշ Մխիթարեանը, Յակոբ Սայամեանը եւ աշխատակազմի ղեկավար Դաւիթ Դաւթեանը:

Պարոնուհի Քօքս իր խօսքին մէջ նշեց, որ Արցախը իրեն համար հարազատ երկիր է պատերազմի տարիներէն ի վեր: Քերոլայն Քօքս իր խումբի անդամներուն, որոնց մեծ մասը առաջին անգամ է որ Արցախ կու գան, պատմեց գոյամարտի եւ արցախցիներու հերոսական պայքարի մասին: Խօսելով Քաշաթաղի շրջանի մասին ան նկատեց, որ հայ ժողովուրդը մշտապէս աւերակներու վրայ հիմնած ու ծաղկեցուցած է իր երկիրը:

Ուխտագնացութեան մասնակիցները քալելով Բերձորէն պիտի ուղղուին Շուշի եւ Ստեփանակերտ:

Նշենք, որ ուխտագնացներու շարքերուն մէջ են նաեւ Արցախեան գոյամարտի մասնակից հաշմանդամներ, որոնք բուժուած են Ստեփանակերտի Քերոլայն Քօքսի անուան վերականգնողական կեդրոնը: Անոնք իրենց երախտագիտութիւնը յայտնած են պարոնուհիին՝ օժանդակելու եւ նման բժշկական հաստատութիւն հիմնելու համար, այնտեղ ուր բուժուած են բազմաթիւ հաշմանդամ ազատամարտիկներ: Ապա արտերկրէն ժամանած բոլոր ուխտագնացները, իբրեւ նուէր ստացած են Հայոց Ցեղասպանութեան մասին պատմող գիրքեր ու սկաւառակներ, որոնք յատկացուած են Հայաստանի կառավարութեան կողմէ:

Share Button

Deja un comentario

Tu dirección de correo electrónico no será publicada. Los campos obligatorios están marcados con *

NOTICIAS

Media Partner