• London

  • Beirut

  • Moscow

  • Los Angeles

  • Paris

  • Sydney

  • Toronto

Անին Պատմական Յուշարձաններով Կը Կախարդէ Հիւրերը. Թրքական Թերթ

26.10.2016   07:45

Թուրքիա-Հայաստան սահմանին գտնուող Անին կը գրաւէ տարբեր մասնագիտութիւններու տէր անձերու ուշադրութիւնը: Այս մասին կը յայտնէ թրքական «Sondakika» լրատուական կայքը` ներկայացնելով  քաղաքի պատմութիւնը պղինձի դարէն մինչեւ մեր օրերը:

Ուշագրաւ է, որ կայքը քաղաքի պատմութիւնը սկսելով Ք.ա 5000-3000-էն, ոչ մէկ ժամանակաշրջանի համար չի յիշատակեր «հայ» բառը, կը գրէ ermenihaber.am-ը:

Թերթը կը նշէ, որ վերջին շրջանին Անին եղած է խիստ վերահսկուող ռազմական արգիլուած գօտի: Արգելքի վերացումէն ետք անիկա յայտնուած է զբօսաշրջիկներու ուշադրութեան կեդրոնին: Կայքը կը յայտնէ, որ աւերակներու վերածուած պատմական վայրերու ցանկին մէջ Անին ամենակարեւորներէն մէկը դարձած է: Կարսի շրջան այցելող տարբեր բնագաւառի ներկայացուցիչներ` պատմաբան, լրագրող, հնէաբան թէ լուսանկարիչ, մեծ թէ փոքր կ՛այցելեն եւ կը շրջին Անիի մէջ, որ կը կախարդէ  հիւրերը իր պատմական յուշարձաններով:

Վերջերս Անիի մէջ լուսանկարչական ծրագիրի մը ծիրէն ներս Կարսի Կովկաս համալսարանի ուսանող Մոհամմէտ Ալի Գէոքչէքը, Աթաթուրքի անուան համալսարանի լրագրութեան բաժինի  ուսնաող Տոյգու Կէոքթուրքը, արհետավարժ պարող Օմուրճան Եըլտըզը ներկայացում մը կազմակերպած էին: Անին նաեւ ուշադրութեան կեդրոնին է գիտնականներու, որոնք քաղաքի մասին յօդուածներ կը տպագրեն գիտական ամսագիրներու մէջ:

Յիշեցնենք, որ Բագրատունեաց թագաւորութեան մայրաքաղաք Անին 2016-ին ԵՈՒՆԵՍՔՕ-ի Մշակութային ժառանգութեան կոմիտէի 40-րդ նիստին ընդգրկուած է ԵՈՒՆԵՍՔՕ-ի համաշխարհային մշակութային ժառանգութեան ցանկին մէջ:

Share Button

Deja un comentario

Tu dirección de correo electrónico no será publicada. Los campos obligatorios están marcados con *

Media Partner