• London

  • Beirut

  • Moscow

  • Los Angeles

  • Paris

  • Sydney

  • Toronto

Եկէ՛ք Աշխարհին Ըսենք, Թէ Ի՛նչ Պատահած է 1915-ին. Քնեսեթի Փոխնախագահ

29.09.2016   20:13

Իսրայէլի խորհրդարանի՝ Քնեսեթի, փոխնախագահ եւ Իսրայէլ–Հայաստան պատգամաւորական բարեկամական խումբի ղեկավար Թալի Փլոսքով, հայ–իսրայէլեան գործակցութեան հասարակական համախմբման միջոցին յայտարարած է, որ ինք միշտ եղած է Իսրայէլի կողմէ Հայոց Ցեղասպանութեան ճանաչման կողմնակից:

«Ես ուժերուս սահմաններուն մէջ պիտի շարունակեմ Քնեսեթին մէջ բարձրացնել այս հարցը: Կ’ուզեմ նշել, որ Քնեսեթի մէջ Հայոց Ցեղասպանութեան ճանաչման կողմնակիցներուն թիւը պարբերաբար կ’աճի: Մեծագոյն ձեռքբերումը այս հարցին մէջ՝ կրթութեան յանձնախումբին կողմէ պաշտօնապէս այդ փաստը ճանչնալն էր: Այո՛, ասիկա Իսրայէլի պաշտօնական դիրքորոշումը չէ, սակայն ասիկա արդէն իսկ յառաջխաղացք մըն է այս հարցին մէջ, եւ իմ կարծիքով՝ շա՛տ նշանակալից», «Նոր Յառաջ»-ի փոխանցմամբ՝ ընդգծած է Քնեսեթի փոխնախագահը:

Ան նշած է նաեւ, որ Իսրայէլի մէջ Հայաստանի պատմութեան եւ Ցեղասպանութեան մասին քիչերը գիտեն, ուստի այդ բացը գոցելու համար պէտք է զգալի աշխատանք տանիլ:

«Մենք պէտք է միասին աշխատինք, որովհետեւ այն երկիրները, որոնք շահագրգռուած չեն Ցեղասպանութեան ճանաչման հարցով, ամէն ինչ կ՛ընեն, որպէսզի այդ մասին չգիտնան մարդիկ: Եկէ՛ք աշխարհին ըսենք, թէ ի՛նչ պատահած է 1915-ին: Եկէ՛ք ճշմարտութիւնը ըսենք», -ըսած է Թալի Փլոսքով։

Share Button

Deja un comentario

Tu dirección de correo electrónico no será publicada. Los campos obligatorios están marcados con *

Media Partner