«Հայկական Ամենայայտնի Հացը Լաւաշն է». Թրքական Թերթ
Թրքական «Sozcu» թերթը անդրադարձած է հայկական խոհանոցի առանձայատկութիւններուն: «Հայկական խոհանոց ըսելով` առաջին հերթին «բնականութիւն եւ բազմազանութիւն» բառերը կու գան մարդուն միտքը», նշուած է յօդուածին մէջ, կը հաղորդէ Ermenihaber.am-ը։
Հայկական խոհանոց բազմադարեայ աւանդոյթներուն վերաբերեալ դիտարկման մէջ հեղինակը կը յիշեցնէ, որ Երեւանի կարմիր բլուրի տարածքին վրայ հնագէտները պեղումներու իբրեւ արդիւնք գտած են խաղողի, կտաւատի, ոսպի, ոլոռնի, սալորի, քունճիթի, գարիի եւ ցորենի հետքեր:
Միեւնոյն ժամանակ թերթը նշած է, թէ հայկական խոհանոցը ժամանակի ընթացքին կրած է ռուսական, թրքական ու ազրպէյճանական խոհանոցներուն ազդեցութիւնը:
«Պէտք է ըսել, որ հայկական խոհանոցին մէջ հացամթերքը ունի շատ կարեւոր տեղ: Յատկապէս գիւղերու մէջ, կաւէ պատրաստուած թոնիրի մէջ, հայերը կը թխեն շատ համեղ հաց: Հայկական ամենայայտնի հացը լաւաշն է», գրած է «Sozcu»-ն:
Կը նշուի, որ հայկական ուտեստներու անուանումներուն մէջ կարելի է հանդիպիլ թրքական ծագում ունեցող բառերու, ինչպէս օրինակ պաստրմա, պէօրէկ, քատաիֆ: Սեւանի մասին յիշատակումով՝ յօդուածի հեղինակը նկատած է նաեւ հայկական խոհանոցին մէջ ծովամթերքի առկայութեան մասին` մասնաւորաբար շեշտելով կարմրախայտով պատրաստուած համեղ ուտեստներու մասին:
Թրքական թերթը հայկական խոհանոցի մասին ճանաչողական իր յօդուածին մէջ չի շրջանցեր մսամթերքի ու համեմունքներու առումով հայերու նախընտրութիւնները:
Deja un comentario
NOTICIAS
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
11.01.2019
En la Argentina y en Armenia Reconocimiento al trabajo del Dr. Roberto
-
11.01.2019
Propulsor del reconocimiento del genocidio armenio en su país Con el
-
11.01.2019
Señora Nadya Kaspar de Ekserciyan, “Personalidad del año 2018 de las
-
05.12.2018
Ալեքսանտր Սարուխան Ծննդեան 120 Ամեակ
-
16.11.2018
ARA KHATCHADOURIAN VISITE MESROBIAN
-
27.10.2018
No aprobó las enmiendas al Código Electoral
-
27.10.2018
Jean Almouhian, con un lugar propio en Armenia
-
27.10.2018
La visita de los jóvenes atletas olímpicos armenios a nuestras
