«Թուրքիան Պէտք Է Հրաժարի Գլուխը Հողին Մէջ Թաղելէ»․Թուրքիոյ Խորհրդարանի Պոլսահայ Պատգամաւորուհի Սելինա Տողան
Գերմանիոյ խորհրդարանին մէջ Հայոց Ցեղասպանութեան բանաձեւի ընդունման վերաբերեալ յայտարարութիւն ըրած է, Թուրքիոյ գլխաւոր ընդդամդիր Ժողովրդա-հանրապետական կուսակացութիւնը (CHP-ժՀԿ) ներկայացնող՝ պոլսահայ պատգամաւոր Սելինա Տողան:
Թրքական «Ensonhaber» լրատուական կայքը կը գրէ, որ պոլսահայ պատգամաւորին յայտարարութիւնը կը տարբերի կուսակցութեան դիրքորոշումէն, որ ստորագրած է Մէճլիսի մէջ Գերմանիոյ քայլը դատապարտող համատեղ հռչակագիրին տակ:
«Այս տեսակ կոտորածները մարդկութեան դէմ յանցագործութիւն են», յայտարարած է Տողան ընդգծելով, որ Թուրքիան պէտք է հրաժարի գլուխը հողին մէջ թաղելէ:
Պոլսահայ պատգամաւորը նշած է, որ իր ընտանիքին մէջ թէ՛ հայրական եւ թէ՛ մայրական կողմէն կորուստներ եղած են: Տողան նշելով, որ ժամանակին միլիոններու հասնող մարդոցմէ այժմ միայն հազարներ մնացած են ըսած է. «Ինչպէս այլ կոտորածներու եւ ջարդերու, այնպէս ալ այս պարագային կը պահանջենք խորհրդարանին մէջ համապատասխան յանձնաժողով ստեղծել: Սակայն ցաւօք ատոր իրագործման համար համապատասխան հիմքերը դեռ չկան: Չունինք խորհրդարանական համակարգ, որ կ’արտացոլէ բազմակարծութիւն, չունինք խօսքի ազատութիւն, ո՛չ ալ կրնանք իրարու հանդուրժել»:
Ան նաեւ ուշադրութեան հրաւիրած է Գերմանիոյ մէջ ընդունուած բանաձեւին բովանդակութեան վրայ` նշելով, որ անիկա կը տարբերի այլ բանաձեւերէ, քանի որ Գերմանիան կ՛ընդունի նաեւ իր պատասխանատուութիւնը:
«Քննադատութիւններով, Պերլինէն Թուրքիոյ դեսպանին ետ կանչելով, Մերսետես մակնիշի ինքնաշարժներէն քաջաբար հրաժարելով՝ Թուրքիան չի կրնար ազատիլ այս հարցէն: Երկիր մը, որ ֆաշիզմի միջով անցած է, ընդունած է բանաձեւ մը, որ կը համապատասխանէ անցեալի հետ առերեսուելու իր աւանդոյթին: Գերմանիոյ մէջ լուրջ արխիւ կայ: Եւ եթէ Գերմանիան կ՛ընդունի իր պատասխանատուութիւնը, ապա ատիկա արխիւները ուսումնասիրելու արդիւնք է», եզրափակած է պոլսահայ պատգամաւոր Սելինա Տողան:
Deja un comentario
NOTICIAS
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
11.01.2019
En la Argentina y en Armenia Reconocimiento al trabajo del Dr. Roberto
-
11.01.2019
Propulsor del reconocimiento del genocidio armenio en su país Con el
-
11.01.2019
Señora Nadya Kaspar de Ekserciyan, “Personalidad del año 2018 de las
-
05.12.2018
Ալեքսանտր Սարուխան Ծննդեան 120 Ամեակ
-
16.11.2018
ARA KHATCHADOURIAN VISITE MESROBIAN
-
27.10.2018
No aprobó las enmiendas al Código Electoral
-
27.10.2018
Jean Almouhian, con un lugar propio en Armenia
-
27.10.2018
La visita de los jóvenes atletas olímpicos armenios a nuestras
