Սթամպուլի Մէջ Գաղտնի Փաստաթուղթ Մը Բացայայտուած Է Տինքը 1990ականներէն Հետապնդելու Մասին
Պոլսահայ լրագրող Հրանդ Տինքի սպանութեան գործով դատավարութեան թղթածրար մտած փաստաթուղթերը, հետաքրքրական մանրամասնութիւններ կը բացայայտեն իրականացած ոճիրի կողքին պետութեան, մասնաւորաբար ոստիկանութեան եւ հետախուզութեան գործողութիւններուն վերաբերեալ: Գործի քննութեան ծիրէն ներս յայտնաբերուած է փաստաթուղթ մը, որմով պարզուած է, թէ ինչո՛ւ Տինքին երկար տարիներ անձնագիր չէ տրամադրուած: Այս մասին կը հաղորդէ «Ակօս» պարբերականը:
«Ակօս»ի հիմնադիր Հրանդ Տինք շատ երկար տարիներ անցագիր չէր ունեցած։ Իր դիմումները մերժուած էին շուրջ 25 տարիներ։ 1997ի պատկանող եւ «գաղտնի» նշանակուած այդ փաստաթուղթի մէջ բացի Հրանդ Տինքէն, մեկնաբանութիւններ կային նաեւ այդ ժամանակ Պատրիարքական Փոխանորդ Մեսրոպ Արք. Մութաֆեանի հասցէին։ «Ֆրադ Տինք անուն անձը մեր կողմէ կը հետապնդուի իր հայանպաստ գործունէութեան պատճառով։ Հայերու կողմէ հրատարակուած «Ակօս» թերթի խմբագիրն է եւ սերտ յարաբերութիւն ունի հայկական ազգայնական հակումներով ծանօթ Պատրիարքարանի Փոխանորդ Մեսրոպ Արքեպիսկոպոս Մութաֆեանի հետ»։
Միւս կողմէ դարձեալ փաստաթուղթերով յայտնի կը դառնայ, թէ պետութիւնը հետաքրքրուած է Տինքի ոճրագործ Օկիւն Սամասթի եւ ոճիրի պատուիրատու Եասին Հայալի ազգային պատկանելիութիւնով։ Անվտանգութեան Ընդհանուր Տնօրէնութեան Լրաքաղութեան Բաժինի կողմէ ուղարկուած բացատրութեան մէջ յստակօրէն կը նշուի, թէ Կիւմիւշհանէ քաղաքի Տէմիրէօրէն գիւղի բնակիչ արձանագրուած Պահատտին- Հուրիի որդի, 1981-ին Տրապիզոն ծնած Եասին Հայալի արձանագրութիւնը հետախուզուած է մինչեւ 1904 թուական եւ տեսնուած է, թէ ընտանիքի անդամներուն մէջ կրօնափոխութիւն կամ ոչ իսլամ պատկանելութիւն մը գոյութիւն չունի։ Նմանապէս Տրապիզոնի Տիւզգէօյ գաւառի Չալգէօյ գիւղի տոմարին արձանագրուած Ահմէտ-Նավվայի որդի, 1990-ին Սկիւտար ծնած Օկիւն Սամասթի արձանագրութիւնը հետախուզուած է մինչեւ 1899 թուական եւ տեսնուած է, թէ ընտանիքի անդամներուն մէջ կրօնափոխութիւն կամ ոչ իսլամ պատկանելութիւն մը գոյութիւն չունի։
Deja un comentario
NOTICIAS
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
11.01.2019
En la Argentina y en Armenia Reconocimiento al trabajo del Dr. Roberto
-
11.01.2019
Propulsor del reconocimiento del genocidio armenio en su país Con el
-
11.01.2019
Señora Nadya Kaspar de Ekserciyan, “Personalidad del año 2018 de las
-
05.12.2018
Ալեքսանտր Սարուխան Ծննդեան 120 Ամեակ
-
16.11.2018
ARA KHATCHADOURIAN VISITE MESROBIAN
-
27.10.2018
No aprobó las enmiendas al Código Electoral
-
27.10.2018
Jean Almouhian, con un lugar propio en Armenia
-
27.10.2018
La visita de los jóvenes atletas olímpicos armenios a nuestras
