Գլխաւոր | | Հոլանտայի Մէջ Հակահայ Ժողով Մը Կը Ծրագրուի Ցեղասպանութիւնը Ուրանալու Նպատակով

Հոլանտայի Մէջ Հակահայ Ժողով Մը Կը Ծրագրուի Ցեղասպանութիւնը Ուրանալու Նպատակով

16.01.2015 11:52

Վաղը Շաբաթ՝ Յունուար 17-ին, Հոլանտայի Ռոթերտամ քաղաքին մէջ տեղի պիտի ունենայ Հայկական Ցեղասպանութեան վերաբերեալ ժողով մը, այսպէս կոչուած՝ «Թուրքերու դէմ ցեղասպանութիւններու ուսումնասիրութեան հիմնարկ»ի ղեկավար Սեֆա Եուրուքելի ղեկավարութեամբ, ըստ Panarmenian.net-ի` կը հաղորդէ թրքական «Սօնհապեր» կայքը:

Եուրուքել մամլոյ հաղորդագրութիւն տարածած է եւ բոլորը հրաւիրած է մասնակցելու բաց ժողովին, ուր Ցեղասպանութիւնը հերքելու փորձեր պիտի կատարուին:

Ժողովին կազմակերպման կը մասնակցի նաեւ Հոլանտայի թուրքերու խորհուրդը:

Նշենք, որ Հոլանտայի խորհրդարանը Հայկական Ցեղասպանութիւնը ճանաչած է 2004ին: