• London

  • Beirut

  • Moscow

  • Los Angeles

  • Paris

  • Sydney

  • Toronto

Հրապարակային Ներկայացում Սարգիս Վահագնի «Ծաղկաքաղ» Պատմուածքներու Նոր Հատորին

29.03.2017   07:39

*ԱՐԱ ԱՀԱՐՈՆԵԱՆ*

Հինգշաբթի, Մարտ 16-ի երեկոյեան, գրասէր ընտրանի մը փութացած էր Կլենտէյլի Հայ Կաթողիկէ եկեղեցւոյ կից Գույումճեան սրահ, ներկայ գտնուելու սփիւռքահայ ծանօթ արձակագիր Սարգիս Վահագնի լոյս տեսած նոր հատորի հրապարակային ներկայացման, որ հրատարակութիւնն է Թէքէեան Մշակութային Միութեան։

Henrig Anassian

Յանուն կազմակերպիչ ԹՄՄ-ի Լոս Անճելըսի մասնաճիւղին՝ փոխ ատենապետ՝ Բարսեղ Գարթալեան կատարեց բացման խօսքը եւ առաջին հերթին երաժշտական ներկայացման համար բեմ հրաւիրեց դաշնակահարուհի Շուշան Պօղոսեանը եւ ջութակահար Ռուբէն Աղէեանը։

Ապա՝ նոր հատորը ներկայացուց Քալիֆորնիոյ Գրողներու Միութեան ատենապետ, ծանօթ խմբավար Հենրիկ Անասեանը։ Ան մօտէն ծանօթ մը եղած է Սարգիս Վահագնի գրական վաստակին, վերջինիս Միացեալ Նահանգներ ժամանելէն ի վեր։ Անասեան համապարփակ ներկայացում մը կատարեց «Ծաղկաքաղ» պատմուածքներու հատորին՝, անդրադառնալով 25 պատմուածքներուն, ուր հեղինակը զանոնք դասաւորած էր 3 մասնաբաժիններու։ Ակնարկեց նաեւ հատորին մէջ տեղ գտած հեղինակին կողմէ օգտագործուած հարուստ բառամթերքին (Անասեանի խօսքը առանձին տեսնել՝ էջ 11)։

Ապա՝ Պրն. Գարթալեան ներկաներուն յայտնեց, թէ յարգելի պատճառով մը, վարչութեան անդամ եւ գրականագէտ Լիլիթ Քէհէեան բացակայ է եւ անոր պատրաստած սրտի խօսքը կարդաց ու ապա ընթերցում կատարեց հատորի առաջին բաժինին մէջ տեղ գտած «Խնձորը» պատմուածքէն, գաղութիս ծանօթ ասմունքող՝ Մելօ Էքիզեանը։

Երաժշտական երկրորդ կտոր մըն ալ հրամցուեցաւ Պօղոսեան-Աղէեան զոյգին կողմէ՝, հմայելով ներկաները իրենց բարձրորակ կատարումով։

Հանդիսութիւնը շարունակուեցաւ հարցազրուցային ներկայացումով՝ փոխան հեղինակին շնորհակալութեան խօսքին։

vache semerjian & Sarkis Vahakn

Մասնաճիւղի ատենապետ Վաչէ Սեմերճեան կատարեց հարցադրման կէտերը, որոնք դարձեալ պատրաստուած էին Տիկ. Քէհէեանի կողմէ ու 20 րոպէներու մէջ, 90-ամեայ հեղինակը պատասխանեց այդ հարցումներուն, որոնք իսկապէս յագեցուցին ներկաներուն գրական ծարաւը։ Անոնք ծանօթացան Սարգիս Վահագնի գրական հարուստ վաստակին, ուր հեղինակը անդրադարձաւ լիբանանահայ գրական շրջանակին, իր առաջին գրական փորձերուն, որոնք անցնող տասնամեակներուն կերտեցին իր գրական վաստակը։

Արդարեւ, գովելի նախաձեռնութիւն մը մասնաճիւղի վարչութեան կողմէ, որ իր աւարտին հասաւ աւանդական դարձած գինեձօնով ու ճոխ հիւրասիրութեամբ։

 

Share Button

Deja un comentario

Tu dirección de correo electrónico no será publicada. Los campos obligatorios están marcados con *

Media Partner