• London

  • Beirut

  • Moscow

  • Los Angeles

  • Paris

  • Sydney

  • Toronto

Մեսրոպեանի Աշակերտներ Աւարտեցին Robotics-ի Դասընթացքը

25.03.2017   19:47

22 Մարտ, 2017-ին, նորագոյն արհեստագիտութեան ուսուցման The Little Engineer կազմակերպութեան ներկայացուցիչը այցելեց Հայ կաթողիկէ Մեսրոպեան բարձրագոյն վարժարան եւ վկայականներ յանձնեց Մեսրոպեանի այն աշակերտներուն, որոնք յաջողութեամբ աւարտած էին կազմակերպութեան Robotics-ի դասընթացքին առաջին հանգրուանը:

Մեսրոպեանը նշեալ կազմակերպութեան հետ սկսած էր գործակցիլ այս տարեսկիզբէն, քաջալերելու համար աշակերտները, որպէսզի ծանօթանան մարդամեքենաներու կազմութեան, եռաչափ տպագրութեան (3D printing) եւ համակարգչային ծրագրաւորման (Coding) գիտութիւններուն: Նոյն ծրագրով, աշակերտներուն առիթ կը տրուէր իրականացնելու զանազան գիտափորձեր՝ մաթեմաթիքսի, ճարտարագիտութեան, վերարտադրուող ուժանիւթի, ելեկտրոնիքսի եւ այլ ուղղութիւններով:

Այս առիթով կայացած աշակերտական հաւաքին, Մեսրոպեանի տնօրէն պարոն Կրէկուար Գալուստ շնորհաւորեց աշակերտները անոնց յաջողութեան համար, յորդորեց բոլորին հետաքրքրուիլ նորագոյն արհեստագիտական գիտութիւններով, որպէսզի առաւել պատրաստ ըլլան ապագայի ուսման եւ աշխատանքի պայմաններուն:

 Տեղեկատուական գրասենեակ
Հայ Կաթողիկէ Մեսրոպեան Բարձրագոյն Վարժարանի

 

Share Button

Deja un comentario

Tu dirección de correo electrónico no será publicada. Los campos obligatorios están marcados con *

Media Partner