• London

  • Beirut

  • Moscow

  • Los Angeles

  • Paris

  • Sydney

  • Toronto

«Էրտողանը Փոխանակ Եւրոպային Դաս Տալ Փորձելու, Հայ Ժողովուրդին Դէմ Իր Պապերուն Գործած Ոճիրը Թող Ընդունի». ԱՐԱՄ Ա. ԿԱԹՈՂԻԿՈՍ

25.03.2017   20:01

Այս բառերով ողջունեց Վեհափառ Հայրապետը երէկ գիշեր իրեն այցելող խումբ մը լիբանանցի արուեստագէտ-արուեստագիտուհիները, որոնք յառաջիկայ Ապրիլ 24-ին առիթով Պիպլոսի մէջ պիտի ցուցադրեն Հայոց Ցեղասպանութեան նուիրուած իրենց արուեստի գործերը։ Սոյն ծրագիրը կազմակերպուած է Թէքէեան Մշակութային Միութեան Լիբանանի Տեղական Վարչութեան կողմէ, եւ անոր նպատակն է արուեստի ճամբով օտարներուն ծանօթացնել Հայոց Ցեղասպանութիւնը։

Արուեստագէտները առիթը ունեցան ԹՄՄ Լիբանանի Տեղական Վարչութեան ատենապետ ընկ. Տոքթ. Վիգէն Ասիլեանի եւ վարչութեան անդամներուն ընկերակցութեամբ այցելելու Անթիլիասի Մայրավանքի շրջաբակին մէջ գտնուող Հայոց Ցեղասպանութեան զոհերուն նուիրուած յուշակոթող-մատուռը:

2

Վեհարանին մէջ իր արտասանած խօսքին մէջ Վեհափառ Հայրապետը գնահատելով լիբանանցի նկարիչներուն մասնակցութիւնը ցուցահանդէսին, թելադրեց որ իրենց պատրաստելիք գեղանկարներուն մէջ շեշտը դնեն ցեղասպանութենէն անդին՝ նաեւ հայ ժողովուրդի արդարութեան պահանջքին ու վերածնունդին վրայ։ Նորին Սրբութիւնը յիշեց, որ թուրքը ջարդեց հայ ժողովուրդը, իսկ արաբ ժողովուրդը, իսլամ թէ քրիստոնեայ, իր հայրենիքին դռները լայն բացաւ հայ ժողովուրդին դիմաց։ Շարունակելով իր խօսքը, Վեհափառ Հայրապետը ըսաւ՝ «թուրքին նոյն ծաւալապաշտական ու բռնատիրական ոգին այսօր եւս տեսանելի է թէ՛ արաբական աշխարհին եւ թէ՛ Եւրոպայի մէջ»։

 

Ապա Վեհափառ Հայրապետը պատասխանեց իրեն ուղղուած հարցումներուն։

 

 

 

Share Button

Deja un comentario

Tu dirección de correo electrónico no será publicada. Los campos obligatorios están marcados con *

Media Partner