• London

  • Beirut

  • Moscow

  • Los Angeles

  • Paris

  • Sydney

  • Toronto

Ուսուցչաց Տօնը Հայ Աւետարանական Շամլեան Թաթիկեան Վարժարանէն ներս

24.03.2017   19:25

Ուսուցչաց Տօնը, Հայ Աւետարանական Շամլեան Թաթիկեան վարժարանէն ներս, վերածուեցաւ մի քանի տեսակ գնահատականներու դրսեւորումին: Աշակերտները, աւարտական 12-րդ կարգի իրենց ընկերներուն միջոցով, իրենց ուսուցիչներուն հանդէպ  գնահատանք արտայայտեցին խօսքով, ծաղիկներով, երգով, նուագով եւ ասմունքով: Այսպէս՝ Աննա-Մարիա Գապաքեան կատարեց բացման խօսքը: Մելիսա Յակոբեան խօսեցաւ աշակերտներուն անունով եւ բարձր գնահատեց Հայ ուսուցիչին դերն զոհողութիւնը: Ճեսի եւ Լիւսի Աւետիսեան քոյրերը (ջութակ և դաշնակ ) ներկայացուցին «Սիրելի Ուսուցիչ» երգը: Նախակրթարանի 6-րդ կարգի ուսուցիչը դրուատող կտոր մը ասմունքեց և երգեց «Իմ Ուսուցիչ» երգը:

17309788_1184001988365856_2370935289870108262_n

Յայտագիրը, որ նուիրուած էր վաստակաշատ հայերէնի վերջերս ԱՄՆ-ի մէջ մահացած վաստակաւոր ուսուցչուհի Տիկ. Զուարթ Աբէլեանին, ընդգրկեց երեք բաժին: Առաջինով Պրն. Յակոբ Հանտեան խօսք առաւ Տիկ.Աբէլան աշակերտած ուսանողներու անունով: Պրն. Հանտեան թուեց Տիկ. Աբէլեանի ե՛ւ որպէս մարդ ե՛ւ որպէս դաստիարակ-ուսուցիչ դրսեւորած առաքինութիւնները անոր տալով «ուսուցչամայր» տիտղոսը:

Երկրորդով Տիկ.Աբէլեանի եղբօր դուստրը՝ Տիկ. Անի Աբէլեան –Հոկլինտ ներկայացուց իր հօրաքրոջ կենսագրութիւնը, եւ ապա հրամցուց տեսանիւթէ մը բեկորներ,  ուր Տիկ. Աբէլեան անգիր կ’ասմունքէր երկար կտորներ:

17342844_1184002391699149_9040640978045530570_n

Երրորդ բաժինով Տնօրէնուհի Վ. Պալըգճեան յայտարարեց Տիկ. Զուարթ Աբէլեան գրական մրցանակի հիմնումը: Արուեստագիտուհի եւ հոգեբան Դոկտ. Անիթա Թութիկեան (1980ի շրջանաւարտ) հաստատեց տարեկան այս մրցանակը, որպէսզի շարունակուի աշակերտներ ներշնչելու, քաջալերելու  և յառաջ մղելու ջանքը, որուն ձեռներէց վարպետուհին եղած է Տիկ. Զ. Աբէլեան՝ բնիկ Քէօրքիւնէցի հայ դաստիարակը: Յայտագիրը սկսելէ առաջ, կատարուեցաւ բացումը, նոր անունով, երկրորդական բաժնի գրադարանին, որ այս առիթով ունեցաւ կոչուեցաւ Զուարթ Աբէլեան Գրադարան:

IMG-20170308-WA0034

Յայտագրի աւարտին ուսուցիչ, աշակերտ եւ ծնողք վայելեցին 12-րդ կարգի եւ Ծնողական յանձնախումբին պատրաստած հիւրասիրութիւնը:

Յիշատակը անթառամ Տիկ. Աբէլեանին եւ վարձքը կատար բոլոր կրթական հայ մշակներուն:

 

 

Share Button

Deja un comentario

Tu dirección de correo electrónico no será publicada. Los campos obligatorios están marcados con *

Media Partner