Հայատանի Հանրապետութեան Դեսպան Տիար Սամուէլ Մկրտչեան Հայ Աւետարանական Գոլէճին Մէջ
ՀԱԳ-ի աւանդութիւններէն եղած է, Լիբանանի մէջ, Հայաստանը ներկայացնող դեսպաններուն հետ աշակերտական գեղեցիկ եւ շահեկան հարցազրոյց մը կազմակերպելը: Արդարեւ Տիար Երուանդ Մելքոնեանէն սկսեալ Լիբանանի մէջ ծառայած ամէն դեսպան այցելած է ՀԱԳ եւ հանդիպած աշակերտներուն հետ՝լուսաբանելով զանոնք յուզող ազգային-հայրենական հարցերուն շուրջ:
Ուրբաթ, 17 Փետրուարին, Հայ Աւետ. Ա. Եկեղեցւոյ մէջ տեղի ունեցաւ Պր. դեսպանին հանդիպումը միջնակարգ եւ երկրորդական բաժինի աշակերտներուն հետ: Տնօրէն Դոկտ. Զաւէն Մսըրլեան բացման խօսքը կատարելով ներկայացուց հիւրը, ապա 11-րդ դասարանի աշակերտուհի Վարս-Վարդ Մկրտիչեան յանուն աշակերտներուն ողջունեց դեսպանին ներկայութիւնը ՀԱԳ-ի մէջ:
Պր. Մկրտչեան նախ կոչ ուղղեց աշակերտներուն,որ ջանասէր ըլլան եւ երբեք չծուլանան իրենց պարտականութիւններուն մէջ։ Ան պատասխանեց աշակերտներուն հարցերուն՝ Հայաստանի անկախութեան հոլովոյթին մասին եւ նշեց այն ներքին եւ արտաքին մարտահրաւէրները, որոնց կը դիմագրաւէ Հայաստան, ինչպէս նաեւ խօսեցաւ Սփիւռք-Հայրենիք կապերուն եւ Հայաստան-Լիբանան առնչութիւններուն մասին:
Հանդիպումը աւարտեցաւ ՀԱԳ-ի փոխտնօրէն Դոկտ. Արմէն Իւրնէշլեանի շնորհակալութեան խօսքով եւ խմբային նկարով, որմէ ետք Պր. Մկրտչեան գրառում կատարեց ՀԱԳ-ի այցելուներու մատեանին մէջ, մաղթելով. «այս կրթական հաստատութեան բացառիկ պատմութեան երկարատեւ շարունակութիւն, բեղուն գործունէութիւն»:
Deja un comentario
NOTICIAS
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
11.01.2019
En la Argentina y en Armenia Reconocimiento al trabajo del Dr. Roberto
-
11.01.2019
Propulsor del reconocimiento del genocidio armenio en su país Con el
-
11.01.2019
Señora Nadya Kaspar de Ekserciyan, “Personalidad del año 2018 de las
-
05.12.2018
Ալեքսանտր Սարուխան Ծննդեան 120 Ամեակ
-
16.11.2018
ARA KHATCHADOURIAN VISITE MESROBIAN
-
27.10.2018
No aprobó las enmiendas al Código Electoral
-
27.10.2018
Jean Almouhian, con un lugar propio en Armenia
-
27.10.2018
La visita de los jóvenes atletas olímpicos armenios a nuestras
