• London

  • Beirut

  • Moscow

  • Los Angeles

  • Paris

  • Sydney

  • Toronto

Եւրոխորհրդարանի Անդամ Փիթըր Օմտզիխտը Այցելեց Ալմելոյի Հայկական Համայնք

12.02.2015   15:00

Փետրուար 8-ին Ալմելոյի Հայ Առաքելական Սուրբ Գրիգոր Լուսաւորիչ եկեղեցի այցելած է Հոլանտայի ազգային ժողովի պատգամաւոր, Եւրոխորհրդարանի անդամ, Քրիստոնեայ-Դեմոկրատական կուսակցութեան անդամ Փիթըր Օմտզիխտը: Անոր կ’ուղեկցէին նաեւ կուսակցութեան  քանի մը անդամներ, ինչպէս նաեւ Ալմելոյի քաղաքապետարանի խորհուրդի անդամ Ռոպին Հայկ Գելիճի Ներսիսեան եւ Օւերայսէլ մարզի խորհրդարանի անդամութեան թեկնածու Սուսան Ֆաալ-Տաքաքը: Այս մասին ըստ «Hayernaysor»ի, Ալմելոյէն կը յայտնէ Մանուկ Մկրտչեան:

Սկիզբը հիւրերը մասնակցեցան Սուրբ Պատարագին, որմէ ետք տեղի ունեցաւ առանձնազրոյց Եկեղեցւոյ վարչութեան անդամներուն հետ, որուն ընթացքին քննարկուեցան Հայոց Ցեղասպանութեան 100-րդ տարելիցին ընդառաջ կատարուելիք աշխատանքներու համատեղ ծրագիրները:

Փիթըր Օմտզիխտը խոստացաւ հետամուտ ըլլալ Հայոց ցեղասպանութեան միջազգային ճանաչման, ինչպէս նաեւ քայլեր ձեռնարկել Թուրքիոյ ժխտողական քաղաքականութեան դէմ:

Առանձնազրոյցէն ետք տեղի ունեցաւ ընդլայնուած հանդիպում հայ համայնքին հետ, ուր հիւրերը ներկայացուցին իրենց ծրագիրները: Այնուհետեւ պատասխանեցին ներկաներուն յուզող հարցերուն:

Share Button

Deja un comentario

Tu dirección de correo electrónico no será publicada. Los campos obligatorios están marcados con *

Media Partner