Լիբանանի Մօտ ՀՀ Դեսպան Սամուէլ Մկրտչեան Թէքէեան Կեդրոնի Մէջ
Երէկ՝ Երկուշաբթի 6 Յունիս 2016-ի երեկոյեան ժամը 7:00-ին, Թէքէեան կեդրոն այցելեց Լիբանանի մօտ Հայաստանի Հանրապետութեան դեսպան Սամուէլ Մկրտչեան, ընկերակցութեամբ ՀՀ դեսպանատան հիւպատոս Աշոտ Վարդանեանի:
Յարգելի հիւրերը դիմաւորուեցան ԹՄՄ Հիմնադիրներու Մարմինի ատենապետ ընկ. Յակոբ Գասարճեանի եւ ՌԱԿ Լիբանանի Շրջանային Վարչութեան ատենապետ ընկեր Միքայէլ Վայէճեանի ու ՌԱԿ նորընտիր Կեդրոնական Վարչութեան անդամ ընկեր Սեւակ Յակոբեանի կողմէ:
Հաճելի եւ մտերմիկ փոխադարձ ծանօթացման հանդիպումին ներկայ եղան՝ ՌԱԿ Լիբանանի Շրջանային վարչութիւնն ու ԹՄՄ Հիմնադիրներու Մարմինը ներկայացնող ընկերուհիներ եւ ընկերներ: Հաճելի զուգադիպութեամբ մը հանդիպումին ներկայ եղաւ նաեւ՝ ԹՄՄ-ի հրաւէրով Ֆրէզնոյէն հիւրաբար Պէյրութ գտնուող Դոկտ. Պարլօ Տէր Մկրտիչեանը, որ ՌԱԿ-ի եւ ԹՄՄ-ի ընտանիքին անդամը կը համարուի՝ ըլլալով թոռը Արմենական ազատամարտիկ Անուշաւան Տէր Մկրտիչեանին:
Հանդիպումը առիթ մըն էր միասնաբար արծարծելու Հայրենիքն ու լիբանանահայութիւնը յուզող հարցեր: Ընկերներ Գասարճեան եւ Վայէճեան Պարոն դեսպանին վերահաստատեցին՝ ՌԱԿ-ի եւ ԹՄՄ-ի Լիբանանի ընտանիքին անվերապահ նեցուկն ու գործակցութիւնը Լիբանանի մօտ ՀՀ դեսպանատան հետ: Հայրենի պարոն դեսպանը իր կարգին լրացուցիչ պատասխաններով գոհացուց հարցադրում ունեցող ներկաները: Հարցումներուն առանցքը կազմեցին Հռոմի Պապի մօտալուտ ուխտագնացութիւնը Հայաստան, հայրենի տնտեսութիւնը, ապահովութիւնն ու Արցախի հիմնախնդիրը: Յարգելի պարոն դեսպանը ներկաներուն յիշեցուց 2016 թուականի յատկանշանակութիւնը՝ ինչ կը վերաբերի Հայրենիքի եւ Արցախի անկախութեան 25-ամեակներուն եւ տարուան ընթացքին զանոնք պատուաբեր կերպով տօնակատարելու անհրաժեշտութիւնը:
Deja un comentario
NOTICIAS
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
11.01.2019
En la Argentina y en Armenia Reconocimiento al trabajo del Dr. Roberto
-
11.01.2019
Propulsor del reconocimiento del genocidio armenio en su país Con el
-
11.01.2019
Señora Nadya Kaspar de Ekserciyan, “Personalidad del año 2018 de las
-
05.12.2018
Ալեքսանտր Սարուխան Ծննդեան 120 Ամեակ
-
16.11.2018
ARA KHATCHADOURIAN VISITE MESROBIAN
-
27.10.2018
No aprobó las enmiendas al Código Electoral
-
27.10.2018
Jean Almouhian, con un lugar propio en Armenia
-
27.10.2018
La visita de los jóvenes atletas olímpicos armenios a nuestras
