• London

  • Beirut

  • Moscow

  • Los Angeles

  • Paris

  • Sydney

  • Toronto

Շնորհաւորագիր Արցախի ՌԱԿ-ին

17.06.2015   14:31

ՌԱԿ Արեւմտեան Ամերիկայի Շրջանային Վարչութիւնս, իր շրջանակի անունով կուգայ շնորհաւորելու Արցախի մայրաքաղաք Ստեփանակերտի մէջ, Ռամկավար Ազատական Կուսակցութեան հիմնաւորումը, իր նորաստեղծ կեդրոնով եւ ստորաբաժանմունքներով:

14 Յունիսի 2015-ին կայացած համագումարին մէջ վաւերացուած են ՌԱԿուսակցութեան տեղական կանոնագիրն ու ծրագիրները, կուսակցութեան շրջանակի ատենապետ ընտրելով՝ ընկեր Բարդուխ Գալստեանը:

Շրջանակիս սրտաբուխ շնորհաւորութիւնները կ՝ուղղուին նախ՝ ՌԱԿ Կեդրոնական Վարչութեան, իր անբասիր, յարատեւ եւ  ազգային ոգիով տոգորուած տածած անխոնջ աշխատանքներուն համար, որոնք արդիւնաւորուեցան բացառիկ յաջողութեամբ, Արցախի մէջ հիմնաւորելով ՌԱԿուսակցութիւնը:

Մեր շնորհաւորութիւնները կ՝ուղղուին  եւս՝ Մեր Հայրենիք Արցախի, Ստեփանակերտ մայրաքաղաքի սրտին մէջ նորաստեղծ ՌԱԿուսակցութեան օրինական ներկայացուցչութիւնը՝ «Արցախի Ռամկավար Ազատական Կուսակցութեան» անուան ներքեւ:

Ընկերական ողջոյններով կը դիմաւորենք ազգային այս հրճուալի հաղորդագրութիւնը Արցախէն, մաղթելով յարատեւ կորով եւ քաջառողջութիւն Արցախի ՌԱԿ-ին նորընտիր ատենապետ՝ ընկեր Բարդուխ Գալստեանին եւ Արցախի համայն անդամակցութեան:

ՌԱԿ Արեւմտեան Ամերիկայի Շրջանային Վարչութիւն

Share Button

Deja un comentario

Tu dirección de correo electrónico no será publicada. Los campos obligatorios están marcados con *

Media Partner