ՌԱԿ-ի Պատուիրակութիւնը Այցելեց Լիբանանեան Ուժերու Նախագահ Սամիր Ժաաժային
Երեքշաբթի 16 Յունիս 2015ի յետ միջօրէի ժամը 4:00ին, ՌԱԿի պատուիրակութիւնը գլխաւորութեամբ Ընկ. Միքայէլ Վայէճեանին այցելեց Լիբանանեան Ուժերու կեդրոնատեղի՝ Մաարապ, տեսակցութիւն ունենալու անոր նախագահ’՝ տոքթ. Սամիր Ժաաժային հետ: Պատուիրակութեան մաս կազմեց նաեւ ՌԱԿի պետական նախկին երեսփոխան Ընկ. Յակոբ Գասարճեան:
Շուրջ մէկ ժամ տեւած մտերմիկ հանդիպումին ընթացքին, որուն ներկայ եղաւ նաեւ Լիբանանեան Ուժերու Պէյրութի համակարգող Պրն. Իմատ Ուաքիմ, կողմերը արծարծեցին Լիբանանը եւ շրջանը յուզող հարցեր, ի մասնաւորի Լիբանանի նախագահական ընտրութիւնները, ինչպէս նաեւ ընտրական օրէնքի շուտափոյթ լոյս ընծայման կարեւորութիւնը, որուն հիման վրայ կարելի ըլլայ կազմակերպել խորհրդարանական ընտրութիւններ: Կողմերը նաեւ անդրադարձան շրջանին մէջ քրիստոնեաներու իրավիճակին:
ՌԱԿի պատուիրակութիւնը շնորհակալութիւն յայտնեց տոքթ. Ժաաժային, իր կողմէ կազմակերպուած Հայոց Ցեղասպանութեան 100 ամեակի ոգեկոչման հանդիսութեան համար: Պատուիրակութիւնը Մեծի Տանն Կիլիկիոյ Կաթողիկոսութեան պատրաստութեամբ լոյս ընծայուած «Նարեկ» աղօթագիրքի ձեռագրին կրկնօրինակը նուիրեց տոքթ. Ժաաժաին առ ի երախտագիտութիւն:
Աւարտին ընկ. Վայէճեան թղթակիցներուն առջեւ ելոյթ ունենալով պարզեց այցելութեան նպատակը:
Ձախէն՝ ընկ.հի Ճէքի Տէրվիշեան, Տոքթ. Ժոզէֆ Կրպոյեան, ընկ. Միքայէլ Վայէճեան, ընկ. Սեւակ Յակոբեան եւ ընկ. Արա Գոյունեան
Deja un comentario
NOTICIAS
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
11.01.2019
En la Argentina y en Armenia Reconocimiento al trabajo del Dr. Roberto
-
11.01.2019
Propulsor del reconocimiento del genocidio armenio en su país Con el
-
11.01.2019
Señora Nadya Kaspar de Ekserciyan, “Personalidad del año 2018 de las
-
05.12.2018
Ալեքսանտր Սարուխան Ծննդեան 120 Ամեակ
-
16.11.2018
ARA KHATCHADOURIAN VISITE MESROBIAN
-
27.10.2018
No aprobó las enmiendas al Código Electoral
-
27.10.2018
Jean Almouhian, con un lugar propio en Armenia
-
27.10.2018
La visita de los jóvenes atletas olímpicos armenios a nuestras
