Գլխաւոր | | ՑԱՒԱԿՑԱԳԻՐ՝ Պրն. Կարպիս Նազարեանի Մահուան Առիթով

ՑԱՒԱԿՑԱԳԻՐ՝ Պրն. Կարպիս Նազարեանի Մահուան Առիթով

12.02.2015 13:08

Բարեգործութեամբ լիացած կեանք մը ապրելէ ետք` այսօր, անցաւոր այս կեանքէն յաւերժ կը մեկնի Պրն. Կարպիս Նազարեանը։

Հանգուցեալ Պրն. Նազարեան կը նկատուի օրինակելի ազգասէր մը, որ սփիւռքահայութեան իրավիճակին մէջ վարչական թէ ազգային մեծ ներդրում ունեցած է։ Ամողջ կեանք մը ան իր բարեգործ ներդրումը բերած է մեր ժողովուրդին կեանքէն ներս անշահախնդիր մօտեցումով եւ ազգին բարօրութեան հետամուտ ծառայասէր ոգիով. Հետեւաբար, այսօր հայութիւնը առհասարակ եւ աշխարհացրիւ մեր ժողովուրդը մասնաւորաբար կը կորսնցնեն նուիրեալ հայ մը եւ ազգային բարերար մը։

Այս տխուր առիթով եւ յանուն Թէքէեան Մշակութային Միութեան աշխարհատարած անդամութեան, մեր վշտակցութիւնը կը յայտնենք Միութեանս մեծ բարեկամ` Պրն. Նազարեանի ընտանեկան պարագաներուն, Հ.Բ.Ը.Միութեան եւ Հ.Ե.Ընկերակցութեան ինչպէս նաեւ հանգուցեալին բարեկամներուն։

Թող որ Ամենակալը իր գութով ողողէ Պրն. Կարպիս Նազարեանի հոգին եւ նուիրումի իր ոգին փոխանցէ մեր ժողովուրդի զաւակներուն։

Ի Դիմաց`

ԹԷՔԷԵԱՆ ՄՇԱԿՈՒԹԱՅԻՆ ՄԻՈՒԹԵԱՆ

ՀԻՄՆԱԴԻՐՆԵՐՈՒ ՄԱՐՄՆԻՆ

Ատենադպիր` Ատենապետ

Արտաւազդ Մելքիսէթեան Յակոբ Գասարճեան