• London

  • Beirut

  • Moscow

  • Los Angeles

  • Paris

  • Sydney

  • Toronto

20. 10. 2021

Այցելութիւն Ամենայն Հայոց Կաթողիկոս Գարեգին Բ. Վեհափառին

30.07.2014   10:27

Անցնող շաբաթ իրենց Հայաստան կեցութեան ընթացքին, Թէքէեան Մշակութային Միութեան Հիմնադիրներու Մարմնի ատենապետ, Լիբանանի Պետական նախկին երեսփոխան՝ ընկեր Յակոբ Գասարճեան եւ Ռամկավար Ազատական Կուսակցութեան Լիբանանի Շրջանային Վարչութեան ատենապետ ընկեր Միքայէլ Վայէճեան այցելութիւն մը տուին Էջմիածին հանդիպելու համար Ամենայն Հայոց Կաթողիկոս Գարեգին Բ. Վեհափառին:

Շուրջ ժամ մը տեւած մտերմիկ հանդիպման ընթացքին կողմերu արծարծերցին Հայ Ժողովուրդը յուզող ազգային եւ եկեղեցական հարցեր: Խօսակցութիւններու կեդրոնական նիւթերէն մէկը հանդիսացաւ Հայոց Ցեղասպանութեան 100-ամեակի ոգեկոչման վերաբերող մանրամասնութիւնները:

Հանդիպման ընթացքին ընկեր Գասարճեան շեշտեց թէ, ԹՄՄ-ի եւ ՌԱԿ-ի յարաբերութեան եւ պատկանելիութեան կապը Մայր Աթոռ Ս. Էջմիածնի եւ անոր գահակալին հետ սկզբունքային է, պատմական ու անքակտելի եւ ոչ մէկ բան կրնայ փոխել զայն, իսկ անոր դէմ կատարուող ոեւէ ցեխարձակում կը վերաբերի զայն արձակող անձերուն եւ ոչ ամբողջ կազամակերպութեան:

Աւարտին՝ Գարեգին Բ. Վեհափառը յաջողութիւն մաղթեց ԹՄՄ Հիմնադիրներու Մարմնին ու ՌԱԿ Լիբանանի Շրջանային վարչութեան, Լիբանանի մէջ անոնց տարած անզուգական աշխատանքներուն համար ինչ կը վերաբերի Հայ Ժողովուրդի գոյատեւման:

Նշենք թէ, Հայաստան իր կեցութեան ընթացքին ընկեր Գասարճեան հանդիպումներ ունեցաւ նաեւ ՀՀ Վարչապետ՝Յովիկ Աբրահամեանի հետ շնորհաւորելու համար իր ստանցնած պաշտօնը, ինչպէս նաեւ ՀՀ Կրթութեան եւ Գիտութեան Նախարար՝ Արմէն Աշոտեանին եւ ՀՀ Սփիւռքի Նախարար՝ Հրանոյշ Յակոբեանին հետ:

 

Share Button

Deja un comentario

Tu dirección de correo electrónico no será publicada. Los campos obligatorios están marcados con *

NOTICIAS

Media Partner