Օփերային Թատրոնը Ս. Փեթերզպուրկի Մէջ Պիտի Ներկայացնէ Արամ Խաչատրեանի “Գայանէ” Պալէն
Երեւանի Ալեքսանդր Սպենդիարեանի անուան օփերայի եւ պալէի ազգային ակադեմիական թատրոնի պալէի խումբը Ս. Փեթերզպուրկի Մարիինեան թատրոնին մէջ պիտի ներկայացնէ Արամ Խաչատրեանի “Գայանէ” պալէն: Հայկական պալէի խումբը Յուլիս 20-ին եւ 21-ին իր ելոյթներով պիտի ներկայանայ ռուս հանդիսատեսին: Այս մասին կը հաղորդէ Armenpress.am-ը:
“Մենք շատ կարեւոր հիւրախաղեր ունենք, քանի որ այս ամսուայ 20-ին պէտք է մեկնենք Ս. Փեթերզպուրկ` մեզ հետ տանելով մեր ազգային պալէտը` “Գայանէ”-ն: Բոլորս էլ հասկանում ենք, որ պատասխանատուութիւնը մեծ է, որովհետեւ Ս. Փեթերզպուրկը պալէտի համաշխարհային մայրաքաղաքն է, ամէնուժեղ պալէտային դպրոցն ունի, եւ մենք շատ մեծ “քննութիւն” ենք յանձնելու այնտեղ, յոյս ունեմ, որ շատ բարձր մակարդակով կ’անցնի”,- նշած է Ալ. Սպենդիարեանի անուան օփերայի եւ պալէի ազգային ակադեմիական թատրոնի տնօրէն Անդրանիկ Արզումանեանը:
Անոր խօսքով` արտիստը պէտք է տարբեր բեմերու վրայ ելոյթներ ունենայ, եւ իրենք պէտք է նման հնարաւորութիւն ստեղծեն: “Մի քանի օր առաջ թատրոնում ներկայացրինք “Գայանէ”-ն եւ ներկայացումը մեծ յաջողութիւն ունեցաւ: Ժողովուրդն անվերջ յոտնկայս ծափահարում էր:
Սանկտ Փեթերզպուրկում մեզ սպասում են, բոլոր տոմսերը վաճառուած են, եւ ազատ տեղեր չկան: Յոյս ունեմ, որ կը փայլենք եւ կը վերադառնանք”,- նշած է Ալ. Սպենդիարեանի անուան օփերայի եւ պալէի ազգային ակադեմիական թատրոնի տնօրէնը:
Անդրանիկ Արզումանեան տեղեկացուցած է, որ այնուհետեւ պալէի խումբը պիտի մեկնի Քաթար, ուր թատրոնի արտիստները նախորդ տարի հանդէս եկած են Խաչատրեանի “Սպարտակ” պալէով: “Սեպտեմբերի 20-ից յետոյ մեկնելու ենք Քաթար: Այնտեղ հանդէս ենք եկել նախորդ տարուայ Սեպտեմբերին, եւ յոյս ունենք այս տարուայ Սեպտեմբերին ներկայացնել Ռուտոլֆ Խառատեանի` “Ռոմէօ եւ Ճուլիէթ” պալէտի բեմադրութիւնը”,- տեղեկացուցած է Արզումանեան:
Նշենք, որ Մարիինեան թատրոնը Ռուսաստանի եւ աշխարհի ամենայայտնի եւ խոշոր օփերայի եւ պալէի թատրոններէն մէկն է: Թատրոնը հիմնադրուած է 1738 թուականին Եկատերինա Մեծ կայսրուհիի հրամանով եւ մտած է Ռուսաստանի կայսերական թատրոններու կազմին մէջ:
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
