Ծառատունկ՝ Ի Յիշատակ Նախորդ Տարուան Ապրիլեան Պատերազմի Հերոսներուն
Ապրիլ 8-ին, ԼՂՀ Մշակոյթի եւ երիտասարդութեան հարցերու նախարարութեան նախաձեռնութեամբ՝ Արցախի հարաւային զօրամասերէն մէկուն շրջակայքը կազմակերպուեցաւ ծառատունկ եւ շաբաթօրեակ: Նախաձեռնութեան կը մասնակցէին Արցախի հանրապետութեան նախագահ Բակօ Սահակեան, ԱԺ նախագահ Աշոտ Ղուլեան, վարչապետ Արայիկ Յարութիւնեան, պաշտօնատար այլ անձինք, ուսանողներ, հասարակական կազմակերպութիւններու ներկայացուցիչներ: Այս մասին կը հաղորդէ «Aparaj.am»-ը։
ԼՂՀ Մշակոյթի եւ երիտասարդութեան հարցերու նախարար Նարինէ Աղաբալեանի խօսքով` այսպիսի ձեռնարկները նորութիւն չեն մեր երիտասարդութեան համար, ասիկա արդէն բարի աւանդոյթ է: «Այս մէկը այլ խորհուրդ ունի. հարիւրամեակներ առաջ մեր պապերը այս տարածքէն ոչ հեռու՝ Վարդանանց պատերազմի հերոսներու յիշատակին նուիրուած անտառներ հիմնած են, իսկ Արցախի սերունդը այսօր այստեղ ծառեր կը տնկէ՝ ի յիշատակ նախորդ տարուան ապրիլեան պատերազմի հերոսներուն»,- նշած է Նարինէ Աղաբալեան եւ աւելցուցած, որ ասով կը հաստատենք մեր հաւատարմութիւնը մեր իսկ դաւանած սկզբունքներուն ու պայքարին:
Աւելի քան 300 երիտասարդներու մասնակցութեամբ՝ այս նախաձեռնութիւնը ԼՂՀ Մշակոյթի եւ երիտասարդութեան հարցերու նախարարը կը խոստանայ շարունակական դարձնել եւ, շարունակելով բարի աւանդոյթը, Արցախի տարբեր վայրերու մէջ նոր այգիներ հիմնել:
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
