Հայեր Համշէնի Մէջ Հողեր Գրաւելու Ծրագիրներ Կը Մշակեն. «Ասիմտեր»
Հայկական անհիմն պնդումներու դէմ պայքարի միութեան («Ասիմտեր») նախագահ Կէօքսել Կիւլպայ պնդած է, որ հայեր, Թուրքիոյ սեւծովեան շրջանին մէջ, գաղտնի ծրագիրներ կը մշակեն։ Այս մասին կը հաղորդէ պոլսահայ«Մարմարա» թերթը։
Ըստ Կիւլպայի՝ անոնք համշէնցիներու ապրած շրջանին մէջ պրպտումներ կը կատարեն եւ կը ջանան տեղւոյն բնակիչները համոզել, թէ իրենք արմատներով հայեր եղած են։ Ան յայտնած է, որ Թուրքիոյ տարածքին կը բնակին 200,000 համշէնցիներ, որոնք ներկայիս խաբէութեան մը ծուղակին մէջ իյնալու սեմին հասած են։
«Հայկական լոպպին, հարաւ-արեւելեան եւ արեւելեան Անատոլուի շրջաններուն մէջ քրտամէտ կուսակցութիւններու անդամներուն ու քաղաքապետներուն զօրակցութեամբ՝ կը ջանայ իր ծածուկ ցանկութիւնները ի գործ դնել Արեւմտեան Հայաստանի ծրագիրով. Սեւ Ծովու Համշէնի շրջանին մէջ ալ կը ջանայ տեղւոյն բնակիչները համոզել, որ անոնք՝ իրենց հայերէնի գործածութեամբ՝ իսլամացուած նախկին հայեր եղած են։ Ուստի, հայերը իրենց այս գաղտնի աշխատանքներով՝ կը ջանան Սեւ Ծովու շրջանէն հողային պահանջ ունենալ»,- ըսած է Կիւլպայ եւ ընդգծած, թէ այդպիսի անձեր Հայաստանէն զօրակցութիւն կը գտնեն եւ միջազգային հիմնարկներէ նիւթական օժանդակութիւն կ՛ապահովեն։
«Անոնք թէ՛ Թուրքիոյ, թէ՛ Հայաստանի մէջ աշխատաժողովներ ու բանակցութիւններ կը կազմակերպեն։ Ներքին գործոց նախարարութիւնը պէտք է հետեւի շրջանին մէջ սանձազերծուած այս գաղտնի խաղերուն եւ դիմէ հարկաւոր միջոցներու»,- նշած է Կիւլպայ։
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
