• London

  • Beirut

  • Moscow

  • Los Angeles

  • Paris

  • Sydney

  • Toronto

05. 06. 2023

«Ակօս»-ը Պիտի Շարունակէ Մնալ Հայկական Համայնքին Ձայնը. Եդուարդ Տանձիկեան

20.01.2017   08:38

Պոլսոյ մէջ լոյս տեսնող «Ակօս» պարբերականը հիմնադիրի` Հրանդ Տինքի, մահէն ետք ալ թերթը կը շարունակէ անոր սկսած ուղիով ընթանալ: Այս մասին կը հաղորդէ Armenpress.am-ը՝ վկայակոչելով գերմանական Deutsche Welle պարբերականին «Ակօս»-­ի ներկայ գլխաւոր խմբագիր Եդուարդ Տանձիկեանի տուած հարցազորյցը:

«Առաջին օրէն ի վեր կը փորձենք արժանի ըլլալ Հրանդ Տինքի կողմէն ողջ կեանքի ընթացքին յանուն խաղաղութեան եւ երկխօսութեան մղած պայքարին»,-­ նշած է Տանձիկեան:

Խմբագիրը յայտնած է, որ թէեւ «Ակօս»-­ը կը շարունակէ գործունէութիւնը դժուար պայմաններու մէջ, սակայն իր լրատուութեամբ նպատակ ունի նպաստելու հասարակութեան եւ պետութեան կողմէն Հրանդի մահուան յանգեցուցած մթին կառոյցի հետ առերեսման: «Ի վերջոյ «Ակօս»-­ը ոտքի վրայ պահողը հայկական համայնքն է: Ատոր կողմէն տրուող փոքր յայտարարութիւններով, բաժանորդագրութեան օգնութեամբ ալ կ՝աշխատինք մնալ ոտքի վրայ: Թէ՛ Հայաստանի, թէ՛ Սփիւռքի հայերը մեզ մօտէն կը հետեւին` իբրեւ Թուրքիոյ մէջ հրատարակուող հայկական թերթ: Անկախ ամէն ինչէ` մենք պիտի շարունակենք ըլլալ հայկական համայնքի ձայնը»,-­ նշած է Տանձիկեան:

Ան ընդգծած է, որ Թուրքիոյ մէջ հայկական հարցը կը շարունակէ ցաւոտ համարուիլ: Իբրեւ ըսուածի ապացոյց` ան յիշեցուցած է, թէ ինչպէս թրքական խորհրդարանին մէջ Կարօ Փայլանը երեք նիստով հեռացուեցաւ խորհրդարանի աշխատանքներէն «ցեղասպանութիւն» եզրոյթը կիրառելուն համար: «Կարօ Փայլանը խորհրդարանի ամպիոնէն առաջին անգամ չկիրառեց «ցեղասպանութիւն» եզրոյթը: Նախապէս եւս ըսած էր: Սակայն կը հասկնանք, որ տուեալ ժամանակաշրջանի ոգին նման արձագանգ կը ծնի»,-­ ըսած է Տանձիկեանը`փաստելով, որ շատ բարդ է հասկնալ, թէ իշխող «Արդարութիւն եւ զարգացում» կուսակցութիւնը հայկական հարցին համար ինչ կ՝ընէ անկեղծօրէն:

Share Button

Leave a Reply

Your email address will not be published. Required fields are marked *

News

Media Partner