• London

  • Beirut

  • Moscow

  • Los Angeles

  • Paris

  • Sydney

  • Toronto

Հայաստանի Մարզիկները 7-ը մետալներով կը Վերադառնան Չինաստանէն

01.09.2014   09:32

Հայաստանի մարզիկները պրոնզէ մետալներով ամփոփեցին ելոյթները Չինաստանի Նանճինկ քաղաքի մէջ աւարտած պատանեկան ամառնային ողիմպիական երկրորդ խաղերուն: Այս մասին կը յայտնէ yerkirmedia-ն։

Ազատ ոճի ըմբիշներ Վաղինակ Մաթեւոսեան (54 քկ) եւ Սարգիս Յովսէփեան (76 քկ) իրենց քաշային կարգերու 3-րդ տեղը վիճարկելու իրաւունք ստացած էին: Այդ մենամարտերուն Վաղինակը մէկ րոպէ 16 վայրկեանի ընթացքին 10:0 հաշուով յաղթեց եմենցի Ալի Ապտուլահ Իպրահիմ Ալ-Շեպամիին, իսկ Սարգիսը՝ 11:1 արդիւնքով գերազանցեց Քոլումպիացի Արտուրօ Քարլոս Մենտես Իզքուերտոն: Այդպիսով, Հայաստանի 14 պատուիրակներէն 7-ը մետալներով կը վերադառնան Չինաստանէն: Մեր երկրի մարզիկները գրանցած են երկու ոսկէ եւ երկու արծաթէ, 3՝ պրոնզէ պարգեւ:

Խաղերու ախոյեան դարձած են ծանրորդներ Յակոբ Մկրտչեան (77 քկ քաշային կարգ) եւ Սիմոն Մարտիրոսեան (81 քկ): Հրաչեայ Բաբայեան արծաթէ մետալ նուաճած է օդամղիչ հրացանէն 10 մ հեռաւորութենէն հրաձգութեան մրցումներուն, իսկ Զաւէն Միքայէլեան՝ յունահռոմէական ոճի ըմբշամարտի մինչեւ 58 քկ քաշային կարգին: Պրոնզէ մետալակիրներէն մէկն ալ բռնցքամարտիկ Նարեկ Մանասեանն է (81 քկ):

www.yerkirmedia.com

Share Button

Leave a Reply

Your email address will not be published. Required fields are marked *

Media Partner