Մասնակցութեամբ Լիբանանահայ-Լիբանանցի Գեղանկարչական «Քառեակ»-ին՝ Գարունը Աւետող Յատկանշական Ցուցահանդէս «ԵՈՒՆԵՍՔՕ»-ի Մէջ
*ՀԱՄՕ ՄՈՍԿՈՖԵԱՆ*
Լիբանանեան չքնաղ գարունը իր բազմերանգ պարգեւներով ներկայացուած էին անցնող Մարտ 20-21-ին տեղի ունեցած գեղանկարչական փառաւոր ցուցահանդէսին՝ Պէյրութի կեդրոնը գտնուող «ԵՈՒՆԵՍՔՕ»-ի պալատին մէջ։ Խմբային այս գեղարուեստի իրադարձութեան իրենց մասնակցութիւնը բերին յայտնի արուեստագէտ-արուեստագիտուհիներ՝ Հրաչ Այնթապլեան, Րանա Քեսրուանի, Լէյլա Սաատ, որ ծնունդով Սլովաքիայէն է, ինչպէս նաեւ Րուլա Ազրաք։
Այս յատկանշական ցուցահանդէսին ներկայացուած ստեղծագործութիւնները բազմազան էին, ինչպէս բնապատկերներ լիբանանեան, թէ Սուրիա-Քեսապի բնապատկերներ՝ ուրախ ու գունազարդ՝ գեղանկարիչ Հրաչ Այնթապլեանի վրձինին պատկանող, նոյնպէս «Սլովաքիական» ու դարձեալ լիբանանեան բնութենէն ու գարնան կանաչութեան մէջ «թաղուած» բնապատկերներ՝ Լէյլա Սաատի ստեղծագործութեամբ։ Մինչ Րուլա Ազրաք խորհրդապաշտ դպրոցին պատկանող պաստառներ ներկայացուցած էր գեղարուեստի սիրահար այցելուներուն, ապա եւ գեղանկարչուհի-դերասանուհի Րանա Քեսրուանիի ստեղծագործութիւնը «աւանկարտիստ» էին, համարձակ գոյներով, որոնք զուարթ տրամադրութիւն կը շողարձակէին բոլորին…։
Հակառակ լիբանանեան եւ տարածաշրջանային բարդ քաղաքական կացութեան՝ շնորհաւորելի է գեղարուեստի այսպիսի նախաձեռնութիւններու յաճախականութիւնը, մասնաւորաբար յուսատու գարնան այսպիսի օրերուն, որոնք շրջապատի մտահոգիչ իրադարձութիւններով բեռնաւորուած արուեստասէրին աւելի լաւ վաղուան եւ ապագայի յոյսեր կը ներշնչէ։
Կը շնորհաւորենք ցուցահանդէսին կազմակերպիչներն ու մասնակիցները՝ մաղթելով, որ խաղաղութիւնն ու բարգաւաճումը յարատեւ ըլլայ մարդկային քաղաքակրթութեան օրրան Լիբանանի մէջ։
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
